Püspöki körlevelek 1910 (Szombathely, 1911)
i6 — Nr. 5440. Ordines circa juramentum Pianum praestandum. et praecognitam vel una simul cum vicariis foraneis vel etiam quisque singillatim proprio nomine signent, itemque beneficiarii in collegiatis ecclesiis, nec non religiosi in conventibus cum eorumdem Superioribus. Datum Romae, ex aedibus Sacrae Congregationis Consistorialis, die 25. Septembris 1910. C. Card. De Lai, Secretarius. — L. j S. — Scipio Tecchi, Adsessor. Mandato SSmi Domini Nostri Pii PP. X. in declarationibus S. Congregationis Consistorialis de die 25. Septembris anni ig 10 publicato obtemperantes vigore praesentium disponimus haec: 1. Canonici Capituli cathedralis et officiales Curiae Nostrae coram Nobis statuto tempore ; totus clerus saecularis civitatis Sabariensis variis in muneribus applicatus — exceptis superioribus et professoribus Seminarii — juramentum in Motu Proprio »Sacrorum Antistitum« praescriptum cum professione fidei praestare tenentur coram Rvdssmo Dno Stephano Horváth, Ecclesiae Cathedralis Canonico Lectore, Vicario nostro Generali; Superiores, vero et professores Seminarii coram Rmo Domno Ludovico Vidos, t. Abbate, Canonico, Lectore Seminarii, quos ad jusjurandum recipiendum delegamus. 2. Ceteri parochi, beneficiarii, cooperatores, catechetae atque sacerdotes saeculares jurisdictione ad sacras confessiones excipiendas provisi juramentum cum professione fidei praestare tenentur coram respectivis Dnis vicearchidiaconis ordinariis, quos tenore praesentium ad hujusmodi jusjurandum recipiendum delegamus. 3. Vicearchidiaconi ordinarii juramentum cum professione fidei praestare tenentur coram vicearchidiacono ordinario districtus vicinioris ad hunc actum vigore praesentium delegato. 4. Sacerdotes, qui occasione jurisdictionis pro sede confessionali ab Ordinariatu acceptae juramentum jam praestiterunt, ab iterum deponendo juramento eximuntur. 5. Singulis Dioecesis Nostrae sacerdotibus mittimus formulas tum professionis fidei tum edendi jurisjurandi hisce Litteris Nostris Circularibus adnexas, ut eas accurate perlegere atque praenoscere valeant. 6. Statuto a Nostris delegatis tempore ac loco edendi jurisjurandi singuli sacerdotes has formulas secum ferant atque praestito juramento formulis nomen subsignent. 7. Ad tramitem praescriptionis Motu Proprio Sacrorum Antistitum contentae omnes et singulos sacerdotes juramentum praestantes admonitos esse volumus ad Sancti Officii tribunal illico deferendum esse eum, qui jusjurandum — quod Deus avertat, — violare ausus fuerit vel formulam subscribere renuerit. 8. Juramentum ab omnibus Dioecesis Nostrae sacerdotibus praestandum erit usque ad 20. diem Decembris anni igio. Sabariae, die 24. Nov. 1910. 6UIL,L>EbMüS m. p„ Eppus.
