Püspöki körlevelek 1909 (Szombathely, 1910)

4 —

legalibus, exclusa tamen semper Missa nuptiali et solemni benedictione sub Missa nuptiali.*)

V. Catholici qui ad sectam haereticam aut schismaticam transierint, vel conversi ad fidem ab ea postea defecerint, etiam in iuvenili vel infantili aetate, ad valide contrahenda matrimonia cum persona catholica adhibere debent formam in decreto »Ne temere« statutam, ita sc. ut eorum matrimonia aliter contracta sint non tantum illicita, sed et invalida et nulla. (S. C. C. x. Eebr. 1908. ad 5.)

Bene itaque notandum: »catholica persona«, in sensu decreti »Ne temere« (art. XI. §. i.) et constitutionis »Provida« (inde a ig. Aprilis igo8.), intelligitur : 1. aut

persona catholice baptisata et in religione catholica educata et nunquam ab illa aversa ;

2. aut persona catholice baptisata, sed nunquam catholicam religionem professa ; 3. aut persona catholice baptisata, sed mox ad haeresim aut schisma prolapsa ; 4. aut persona etiam acatholica, quae acatholice quidem baptisata fuerat, sed per conversionem semel iam in gremium Ecclesiae redierat, mox tamen iterum ab illa defecit. »Mixta religio« sponsorum itaque semper, secundum principia, heic sub 1 — 4 enumerata dijudicanda erit.

Sub nomine »acatholicorum« veniunt etiam schismatici et haeretici rituum orientalium (S. C. C. 28. Martii igo8. ad 2.). dummodo non fuerint catholice baptizati nec unquam sum Ecclesia catholica reconciliati (art. XI. §. 1.)

VI. Constitutio »Provida« tantummodo valet pro natis in Hungária et hic matrimonium contrahentibus. Privilegium igitur est et personale et locale, quod utrumque simul adesse debet.

VII. Nomine Regni Hungáriáé venit non modo Hungária proprie dicta cum Transsylvania, sed etiam partes eidem adnexae, seu omnes terrae ad coronam S. Stephani pertinentes ac proinde etiam Croatia, Slavonia, Civitas Fluminensis (Fiume) : omnia itaque loca sub regimine Regis apostoliéi nunc constituta (Juxta expressum Secretarii Congr. De Sacramentis responsum die 5. Martii datum.)

Cum igitur nexu decreti, tenore cuius constitutio Provida ad regnum Hungáriáé extenditur, haec pro norma agendi communicanda Vobis, Ven. Fratres, habemus : plane confidimus Vos omni ope ac zelo adlaboraturos, ut Christifideles apto modo disponantur ad excipienda qua decet filiali obedientia ac docilitate ea, quae Apostolica Sedes ad legislationis unitatem in re matrimoniali assequendam statuere opportunum duxerit. Non possumus simul Vos, Venerabiles Fratres, vehementer non exhortari, ut catholicos utriusque sexus fideles a mixtis connubiis, quantum possitis, absterreatis talesque nuptias prudenti sollicitudine antevertere et omni meliori modo impedire satagatis. Fundamentum enim matrimonii est charitas. „Quomodo potest congruere charitas — ait S. Ambrosius (De Abraham II. c. g.) — ubi discrepat fides.“ Certe intima illa animorum coniunctio, qua coniuges una caro, unum cor et quasi una anima effici debent, sperari non potest, si in re gravissima et sacerrima dissensio habeatur, ita ut, quod alter summa veneratione colit ac frequentat, alteri contemptibile videatur.

Verum non tantum charitas admodum labili fundamento in huiusmodi matrimoniis superstruitur, sed ipsa etiam fides partis catholicae maximis periculis exponitur. Quotidiana experientia — proh dolor — sat superque docet indifferentismum religiosum per connubia mixta late propagari ac invalescere. Merito itaque Sancta Mater Ecclesia perpetuo damnavit atque interdixit eiusmodi connubia, utpote ipso iure naturali, in genere graviter prohibita, quod suam prolisque fidem et salutem periculis obiicere vetat, ac praeterea lege etiam positiva divina tam veteri (Deut. 7, 3) quam nova indirecte saltem improbata.

Itaque, Veneralibes Fratres, tam publicis quam privatis sermonibus, omni tamen cum discretione, caritate et mansuetudine, doctrinam Ecclesiae de mixtis connubiis

*)Juxta responsa S. C. Inquis, d. d. 17. Jan. 1872, et 17. Jan. 1877. prohibetur etiam »Missa de die« coniuncta cum solemnitate copulationis, si talis Missa considerari posset veluti Missa nuptialis.