Püspöki körlevelek 1907 (Szombathely, 1908)

S. Sedes Apostolica, de fidei thesauro in fidelibus illibate servando pro accepta a Divino Salvatore missione pie sollicita, opportunum censuit quasdam modernorum scriptorum, etiam catholicorum, erroneas propositiones, animos Christifidelium sive aperte, sive sub fallaci sublimioris scientiae facie latenter passim invadentes auctoritate suprema notare et proscribere.

/

Scopo hoc Sacra Romana et Universalis Inquisitio maxime salutare nuper edidit Decretum, quod — una cum adiecta illi posterius Instructione — strictissimae instar pro Clero fidelique Dioeceseos meae populo cinosurae praesentibus publicum facere officio mihi duco, ut sequitur:

Nr. 3903.

Errores moderni a S.Sede Ap reprobati.

„SACRAE ROMANAE ET UNIVERSALIS INQUISITIONIS

DECRETUM.

Fe r ia IV., die 3. Juli i 1907.

Lamentabili sane exitu aetas nostra freni impatiens in rerum summis rationibus indagandis ita nova non raro sequitur ut, dimissa humani generis quasi haereditate, in errores incidat gravissimos. Qui errores longe erunt perniciosiores, si de disciplinis agitur sacris, si de Sacra Scriptura interpretanda, si de fidei praecipuis mysteriis. Dolendum autem vehementer inveniri etiam inter catholicos non ita paucos scriptores qui, praetergressi fines a patribus ac ab ipsa Sane Ecclesia statutos, allioris intelligentiae specie et historicae considerationis nomine, eum dogmatum progressum quaerunt qui reipsa eorum corruptela est.

Ne vero huius generis errores, qui quotidie inter fideles sparguntur, in eorum animis radices figant ac fidei sinceritatem corrumpant, placuit SSmmo D. N. Pio divina providentia PP. X. ut per hoc Sacrae Romanae et Universalis Inquisitionis officium ii, qui inter eos praecipui essent, notarentur et reprobarentur.

Quare, instituto diligentissimo examine, praehabitoque RR. DD. Consultorum voto, Emmi ac Rmmi Dni Cardinales, in rebus fidei et morum Iuquisitores Generales, propositiones quae sequuntur reprobandas ac proscribendas esse iudicarunt, prouti hoc generali Decreto reprobantur ac proscribuntur :

1. Eeclesiastica lex, quae praescribit subiicere praeviae censurae libros Divinas respicientes Scripturas, ad cultores critices aut exegeseos scientificae librorum Veteris &t Novi Testamenti, non extenditur.

XL