Püspöki körlevelek 1900 (Szombathely, 1901)
— 8 — lectio sine simulatione. Odientes malum, adhaerentes bono: Caritate fraternitatis invicem diligentes; honore invicem praevenientes: Sollicitudine non pigri: Spe gaudentes; in tribulatione patientes; orationi instantes: Necessitatibus sanctorum communicantes; hospitalitatem sectantes. Gaudere cum gaudentibus, flere cum flentibus: Idipsum invicem sentientes: Nulli malum pro malo reddentes: Providentes bona non tantum coram Deo, sed etiam coram omnibus hominibus.l) Quorum auspex bonorum accedat Apostolica benedictio, quam vobis, Venerabiles Fratres, Clero ac populo vestro amantissime in Domino impertimus. Datum Romae apud Sanctum Petrum die XVlil. ianuarii anno MDCCCCI, Pontificatus Nostri vicesimo tertio. Leo PP. XIII. 697. sz. Jubilaeum Magnum attinentium dubiorum resolutiones. I. An tempore praesentis Iubilaei liceat Confessariis pluries uti facultatibus extraordinariis iisdem concessis erga eundem poenitentem, qui nondum omnia opera iniuncta adimplevit ad Iubilaei indulgentiam lucrandam? SSmus respondendum mandavit: Affirmative. II. An in locis ubi processiones in viis publicis non permittuntur, possint, ad effectum reducendi visitationum numerum, processionibus aequiparari coadunationes corporum moralium et aliorum fidelium qui in designatis Ecclesiis, hora praestituta, sub proprii Moderatoris et respective sub proprii Parochi vel alterius Sacerdotis ab eo deputati ductu, colliguntur, ut ibidem una simul visitationes peragant? SSmus, attentis preesentium temporum adiunctis, ex speciali gratia benigne indulget ut, in locis, in quibus processiones non permittuntur, visitationes prout exponitur peractae habeantur tamquam processionaliter factae. III. An pro iis, qui degunt in locis ab Ecclesia Parochiali valde dissitis, possit ab Ordinario alia Ecclesia vel publicum Oratorium facilioris accessus ad visitationes peragendas designari ? R. De speciali gratia SSmi: Affirmative. IV. An sex menses ad quos extensum est Iubilaeum extra Urbem, debeant necessario esse continui, vel possint ab Ordinario interpolari et dividi per partes infra annum ? R. Affirmative ad 1-am partem: negative ad 2-am. Nihilominus SSmus benigne indulget ut Ordinarii, interveniente gravi et legitima causa, possint, pro suo prudenti arbitrio semestris tempus in partes dividere; ita tamen ut una tantum vice Iubilaeum acquiri valeat, licet opera ipsa iniuncta possint distribui per designatos ab Ordinario menses. V. Nonnullis Episcopis gratiam implorantibus ut unica Confessione et Communione satisfieri possit preecepto Ecclesiae et operi iniuncto ad Iubilaeum lucrandum, SSmus minime annuendum censuit. Datum Romae in S. Poenitentiaria die 25 Ianuarii 1901. S. Card. VANNUTELL1 poenitentiarius major. R. CELLI S. Poenitentiariae Substitutus.
