Püspöki körlevelek 1889 (Szombathely, 1890)
VIII. Ope Circularium litterarum sub Nr. XVII. a. curr. dimissarum publicata est Sanctissimi Domini Nostri Leonis divina providentia Papae XIII. Epištola Encyclica de Patrocinio Sancti Josephi pro temporum difficultate implorando. Gratiarum fontem, quem vigore huius Encyclicae S. Josephum Patriarcham pie colentibus et orationem eidem epistolae adnexam per mensem Octobrem publice recitantibus aperuit, Ssmus Dominus amplius reserare cupiens, Indulgentiam, et quidem dierum tercentorum semel in die lucrandam, etiam illis Christifidelibus concessit, qui orationem memoratam quovis anni tempore et etiam privatim recitaverint. Quosuper sequens emanavit S. Congr. Indulg. 2812. nr. S. Congr. Iudulg. decretum de indnlgent iis, orationem S. Josephi quovis anni tempore etiam privatim recitantibus, concessis. DECRETUM URBIS ET ORBIS. Sanctissimus Dominus Noster Leo Papa XIII. summopere exoptans, ut ergá Sanctissimum Patriarcham loseph B. Mariae Virginis sponsum cultus impensius foveatur, Eiusque praesentissimum patrocinium effiagitetur, his praesertim rerum publicarum adiunctis, quibus ob succrescentem in dies inimicorum audaciam lesu Christi Ecclesia acrius oppugnatur, per Litteras Encyclicas datas sub die 15 Augusti 1889. Marialibus precibus Sanctissimi Rosarii, quas mense integro Octobri Ipsémét Sanctissimus recitandas alias decrevit. superaddendam indixit Orationem ad Sanctum Iosephum, quam praefatis Litteris adnexuit. Eadem porro Sanctitas Sua, quae singulis Christifidelibus eamdem Orationem publicae Rosarii recitationi per mensem Octobrem addentibus Indulgentiam šeptem annorum totidemque quadragenarum singulis vicibus acquirendam iam attribuit, in Audientia habita die 21 Septembris 1889. ab infrascripto Secretario S. Congregations Indulgentiis sacrisque Reliquiis praepositae motu proprio eidem Orationi aliam Indulgentiam, defunctis quoque applicabilem, adiicere dignata est dierum tercentorum semel in die quovis anni tempore lucrandam ab universis Christifidelibus, qui corde saltern contriti ac devote supramemoratam Orationem etiam privatim recitaverint. Praesenti in perpetuum valituro absque ulla Brevis expeditione. Contrariis quibuscumque non obstantibus. Datum Romae ex Secretaria eiusdem S. Congregationis die 21 Sept. 1889. Pro Emo ac Rmo Dmo C. Cardinale Cristofori, Praefecto. Aloisius Card. Episcopus Sabinensis. L. f S. Alexander Episcopus OensIs, Secretarius.
