Püspöki körlevelek 1884 (Szombathely, 1885)
Datum Romae apud S. Petrum sub annulo Piscatoris die XXIV. Decembris An. MDCCCLXXXIII, Pontificatus Nostri Anno Sexto. TH. Card. MERTEL. DECRETUM. Urbis et Orbis. Ad praesidium columenque militantis Ecclesiae virum sanctissimum excitavit misericors Deus, Dominicum Guzmanum, inclitum Ordinis Praedicatorum conditorem et patrem, qui pugnare pro Ecclesia catholica aggressus est, maxime precatione confisus, quam Sacri Rosarii Mariani nomine primus instituit, et per se suosque Alumnos longe lateque disseminavit. Admirabilem hanc orandi formulam nobilis instar tesserae christianae pietatis Catholici semper habere consueverunt. Quare vix ac Sanctissimus Dominus Noster Leo Papa XIII. ad opem a Iesu Christo per Mariam Vir" ginem Eius Matrem praesentibus necessitatibus impetrandam, integrum mensem Octobrem Rosarii precibus in toto catholico Orbe hoc anno exigendum, encyclicis datis Litteris, indixit; ubique sacrorum Antistites et fideles populi, supremi Pastoris voluntati obtemperantes, frequentissima Rosarii recitatione pietatis suae et dilectionis erga Dei Matrem peramantissimam splendida argumenta exhibuerunt, certam spem foventes se, eadem Beatissima Virgine opitulante, a caelesti misericordiarum Patre in praesentibus tam privatis, quam communibus christianae reipubl’cae calamitatibus efficacius optata subsidia impetraturos. Iamvero Sanctissimus idem Dominus Noster summopere cupiens tum augeri cultum erga ipsam augustam Dei Genitricem hac praesertim orandi consuetudine eidem Virgini gratissima, tum Christifideles ad hoc obsequium Ei praestandum magis magisque excitari, humillimas preces sibi oblatas a Rmo Patre Iosepho Maria Larroca Magistro Generali Ordinis Praedicatorum, nimirum ut Litaniis Lauretanis addendam indulgeat Reginae a Rosario invocationem, quae iamdudum apud Dominicianam Familiam in usu est, benigne ac perlibenter excepit. Voluit propterea Sanctitas Sua praecepitque, ut ceteris Litaniarum Lauretanarum beatae Mariae praeconiis, et hoc in Ecclesia universa in posterum addatur postremo loco, scilicet „Regina Sacratissimi Rosarii, ora pro nobis.“ Mandavit praeterea super his expediri Litteras in forma Brevis. Contrariis non obstantibus quibuscumque. Die io. Decembris 1883. L. f S. D. CARDINALIS BARTOLINIUS S. R. C. Praefec. LAURENTIUS SALVATI S. R. C. Secretaries. DECRETUM. URBIS ET ORBIS. Iam inde ab anno MDCCCLXIX. sa. me. Pius. IX, ad impetrandam Dei' opem, quam tempora difficilia et aspera flagitabant, praecepit, ut, in templis omnibus Ditionis Pontificiae, certae, preces quibus sacras Indulgentias adiunxerat peracto sacrosancto Missae sacrificio, recitarentur. Iamvero gravibus adhuc insidentibus malis,1 nec satis remota suspicione graviorum, cum Ecclesia catholica singulari Dei praesidio tantopere indigeat, Sanctissimus Dominus Noster LEO PAPA XIII. opportunum iudicavit, eas ipsas preces nonnullis partibus immutatas toto orbe persolvi, ut 162. sz. Decretum, quo praescribitur, ut in posterum preces tercentum dierum Indulgentia locupletatae,in line cujuscunque Missae sine cantu celebratae, flexis genibus recitentur.
