Püspöki körlevelek 1859 (Szombathely, 1860)

cessit, ut vigentem in sua Dioecesi praxim exercere pergat habendi scilicet bis in anno concursus pro approbandis quoad scientiam Sacerdotibus, qui Parochorum munere fungi velint. Id tamen ea lege concessum voluit, ut hujusmodi concursus habeantur per Synodales Examinatores ad sacrorum canonum normam electos , veluti monet Benedictus XIV. de Synodo Dioecesana lib, IV. cap. VII. et quoties hi desint, per Examinatores Pro-Synodales Apostolica Auctoritate peculiariter delectos diligenter servatis canonicis sanctionibus, ac praesertim Apostolicis ejusdem BenedictiXIV. Litteris, quae incipiunt „Cum illud.“ Ut autem Sacerdotes admittantur ad ejusmodi concursus, iis dotibus pollere debeant, quas sacri canones, et Lex Dioecesana postulant, ac tum voce, tumscripto respondere debebunt quaestionibus, quae ab Examinatoribus fuerint propositae, quaeque inter caetera de positiva uti dicunt, Dogmatica et Morali Theologia, itemque de positivo Jure canonico erunt ferendae, Quovis exeunte sexennio, qui approbati fuerint denuo concursui se sistant oportet, a quo onere ii duntaxat ecclesiastici eximentur vivi, qui in praesentia inter Synodales vel Pro-Synodales Examinatores sint adsciti, quique propter munera aut beneficii, quo fruuntur, dignitatem, vel propter diuturnam operam, qua Ecclesiae cum laude servierunt, de eorum scientia probationem satis, superque exhibeant, quique iccirco ab Episcopo, audita Examinatorum sententia ab hac concursus lege immunes fuerint declarati. Praeterea SSmus Dominus Noster permittit, ut cum quaevis Paroecia suo fuerit orbata Rectore, prae oculis habita praedicta approbatione quoad scientiam, habeatur per commemoratos Synodales aut Pro-Synodales Examinatores de collatione concursus, in quo ipsi eam adhibentes cautionem, quae in usu est, judicent, qui ex petitoribus digni sint, quibus Parochia sit conferenda; servato tamen semper Episcopo jure eligendi inter sic approbatos, quem ipse digniorem in Domino censuerit. Contrariis quibuscunque minime obfuturis. Datum Romae e Secretaria ejusdem Sacrae Congregationis die, mense et anno praedictis. Aloysius Ferraeri. Subsecretarius.

FRAJVCISCUS Episcopus mp