Püspöki körlevelek 1858 (Szombathely, 1859)

in quantum haec defunctus propriis suis oeconomicis viribus, vel suo aere fieri curavit — in proportione ferre; tandem annuam a bonis beneficii persolvendam contributionem pro rata temporis praestare participantes partes tenentur ita, ut in qua proportione emolumentorum compartes redduntur, in ea etiam onera sufferant.

dj Labores a fidelibus praestiti in computum non veniunt.

e) Stola est illius, qui functionem ecclesiasticam administravit.

f) Stipendia sacrorum fundatorum, si horum persolutio certo tempori affixa est, illi, qui tunc temporis munus pastorale gessit, secus illi, qui sacra absolvit, tandem persolvendorum adhuc sacrorum stipendia Successori obtingunt

g) Fimus beneficio inhaeret.

§. 20. Ubi novus Beneficiatus canonicam investituram obtinuit, eumdem deputatus hunc in finem vir Ecclesiasticus (Vice-Archidiaconus) in praesentia Patroni vel ejus Vices Gerentis et Administrationis Adjunctorum in reale bonorum beneficii possessorium introducet Hac occasione omnia ad ductum authentici objectorum ad beneficium spectantium Inventarii praestabuntur, in vicem Inventarii etiam acta Visitationis Canonicae adhiberi possunt. Eadem occasione simul bona fabricae et mensae conscribenda et status aedificiorum ad parochiam spectantium investigandus, ac consignandus est, nisi hoc jam occasione mortis vel egressus prioris Beneficiati factum esset. Protocollum super Installatione in 3 exemplaribus expediendum Inslallatus cum omnibus, qui actui Installationis ex officio interfuere, adhibitis insuper duobus testibus subscribet, ex subscriptis taliter exemplaribus unum in Cassa Ecclesiae, alterum in archivo Vice-Archidiaconali deponendum, tertium vero Ordinariatui exhibendum est. Novus Beneficiatus ope reversaliurn spondebit se obligationibus relate ad bona beneficii sibi incumbentibus exacte satisfacturum.

§. 21. Circa bona tam fabricae, quam mensae certa Patrono competunt jura. In specie:

a) Patrono quidem non est integrum expensas ex peculio ecclesiae faciendas decernere, vel ratihabere; Rescript. Minist. Cult. ddto. 15. Oclobr. a. 1858 Nro. 1282/C. U. M. potest tamen immediate per se, vel mediate per Substitutum ad reclam Ecclesiae bonorum administrationem concurrere.

b) Habet jus exigendi; ut vocetur ad Sessiones, in quibus de bonis fabricae administrandis consilia conferuntur, vel secus relate ad eadem bona decernitur.

c) Pollet jure exigendi, ut determinationes Adminislralionis bonorum relate ad ea objecta, circa quae eadem Administratio sub proprio responsionis onere licite disponit, Episcopo fine decisionis exhibeantur; si mentionatae determinationes contra sententiam Patroni coaluissent. Pro jure suo interpellat Ordinariatum, ut hic in illius (Patroni) vel Substituti praesentia aedificia ad beneficium spectantia item Statum peculii Ecclesiae inspici procuret.

d) Si Patronus nec per se, nec per vices gerentem interessé possit Administralionis sessionibus, in quibus rei cujusdam alienatio, novi oneris impositio, vel expensae faciendae decefnuntur, ad quas Ordinariatus ratihabitio requiritur; hoc in casu Administratio declarationem Patroni scriptotenus expediendam impetrare, eamque cum Sessionis conclusis Ordinariatui exhibere tenetur. Simili declaratione opus erit, ubi Patronus vel ejus Vices gerens rationibus Ecclesiae revidendis interessé non potuerit.

e) Si Patronus Ecclesiae vel Beneficii causas litigiosas propriis suis impensis procuraverit, id instar favoris Ecclesiae obtingentis considerabimus; optamus tamen, ut deputandus a Patrono Procurator Nobis designetur, quem nisi peculiaria motiva contrarium exigerent, probaturi sumus.

f) Beneficio patronato in statum vacantiae deveniente, dum de segregandis, respective resarciendis fabricae vel mensae ex massa defuncti, vel ex privatis bonis e beneficio egressi agitur, 'item dum eadem segregata vel resarcita bona successori resignantur, Patronus vel ejus Vices gerens invitandus est. Si penes Beneficia Patronatus Caesareo- Regii, item patronatus fundi Religionis ac Studiorum inhaerentis C. R. Dicasteria respectiva jura Patronatus exercebunt, eorumque loco in quaestionibus litigiosis C. R. Financiarum Procuratura procedet, grato semper suscipimus animo.

. §. 22. Fundationes piae spectata natura sua et ecclesiae legibus per organa ecclesiastica administrandae sunt. In specie: quoniam fundationes piae vel: a) Ecclesiae soli fructificant, vel: b) Ecclesiae ex parte tantum fructificant, vel: c) Ecclesiae nullatenus fructificant; ideo in casu a) fundus fundationis in fundum fabricae inferendus et una cum peculio Ecclesiae respectivae administrandus est, in casu b) et c) fundus fundationis (capitale fundationale) seorsim administretur ita tamen: ut Administratio in casu b) partem respectivam in peculium Ecclesiae inferat, in casu c) totalem proventum in fines a fundatore designatos convertat.

§. 23. An, et quibus sub conditionibus acceptentur fundationes piae, Ordinariatus decidet. In specie quoad Dioecesim nostram:

a) Nullam fundationem acceptabimus, nisi constiterit eandem ad promovendam Dei gloriam et salutem animarum conducturam adeoque vere piam esse.

b) Ecclesias filiales, capellasque aedificandi, s. statuas aut cruces erigendi facultatem nonnisi tunc dabimus, si fundator pro horum conservatione se, successoresque suos in perpetuum deobligaverit, et in hunc finem sufficientes mobiles aut immobiles fundos assignaverit. Sic pro dote crucis lapideae 50 florenorum, crucis ferreae 30 florenorum et trabeae 20 florenorum Val. Austr. fundatio requiritur.

c) Fundatio pro sacris perpetuis tunc acceptatur, si fundus aliquis, vel talis capitalis