Püspöki körlevelek 1858 (Szombathely, 1859)

Datum Sabariae die 15-a Julii 1858.

* m

Nro. 1372.

E VII.

Eminentissimo ac Reverendissimo Domino Joanne S. R. E. Cardinale Scijovszky, Inc Regni Hungáriáé Principe Primate et Metropolita Strigoniensi festo SS. Apostolorum Petri et Pauli a. c. Strigonii ad Valvas Basilicae ejatis appendi jussum est sequens Edictum:

Nr. 2670,

' V ' V y *

Joannes S. R. E. Tituli S. Crucis in Jerusalem Presbyter Cardinalis Scitovszky De Nagy-Kér, Inclyti Regni Hungáriáé Princeps Primas et Metropolita Strigoniensis etc. etc. Reverendissimis Fratribus Episcopis Conprovincialibus — Venerabilibus Capitulis, Abbatibus, Praepositis — Provincialibus Regularibus — caeterisque Nostrae Strigoniensis Provinciae ecclesiasticis personis, quae de jure et consvetudine Concilio Provinciali interessé debent — Salutem in Christo JESU!

' I

Muneris nostri gravitate, et Sacro Sancti Concilii Tridentini (Sess. 24. C. 2. de Reform.) mandato provocati Conciliorum Metropolitanae Provinciae Nostrae Strigoniensis seriem, ut plurimum tristibus rerum vicibus impeditam, reassumendi consilium cepimus. Quantum hi coetus sacri praestiterint Religioni et Ecclesiae, Vos minime latebit; imovero Vos in maximam erigi spem ultro confidimus, quod nostris quoque diebus mánus Domini haud sit abrevianda: ut Nobis in Spiritu Sancto coadunatis, et pro Gloria Dei, ac exaltatione Sanctae Matris Ecclesiae seminantibus et rigantibus Dominus tribuat incrementa coelestia.

Eapropter Magnorum Praedecessorum Nostrorum vestigiis insistentes Concilium Provinciale in Basilica nostra Strigoniensi ad Honorem Gloriosae Dei Genitricis in Coelos Assumtae, et Sancti Adalberti Episcopi Martyris, prope ante biennium in conspectu Vestro, Sacro Chrysmale delibuta, et consecrata asservandum, pro Dominica XVII- post Pentecosten indietnl9-am mensis Septembris anni curr. 1858. convocamus, atque per isthoe Edictum Valval e publicamus; ut ibi ad altare Domini in Spiritu Sancto congregati, et arma lucis induentes ea statuamus, quae ad fidei puritatem et morum integritatem provehendam, — ecclesiasticae et regularis disciplinae observantiam reducendam — inventutis christianam educationem stabiliendam — abusuum, errorum, excessuumve correctionem — scandalorum propulsationem coram Deo et conscientia Nostra profutura videbuntur.

Quamobrem omnes et singulos, qui ex privilegio vel consvetudine ius habent in Concilio Provinciali conveniendi et loquendi, hortamur, ac in quantum opus est, praecipimus in Domino; ut ad praedictam Synodum pro supra defixa die Strigonium adveniant; si tamen iuslo fuerint impedimento retenti, idipsum per procuratorem, Sui loco exmissum, legitime probare tenebuntur. — Mandantes, ut praesens Edictum Nostrum, ne cui detur ignorantiam obtendendi locus, ad Valvas Basilicae Nostrae Metropolitanae appendatur, et per Dioeceses, ad Metropoliticam Ecclesiam Nostram spectantes, promulgetur.

Datum Strigonii Festo SS. AA. Petri et Pauli. Anno 1858. — Episcopatus Nostri armo 31. Archi-Episcopatus nono. Joannes Cardinalis Archi-Episcopus m. p. Ad ben. Suae Eminentiae mandatum Josephus Szabó m. p. Can. Hon. Director Cancell.

Ex tenore Edicti hujus liquet Concilium Provinciale in Basilica Strigoniensi asservandum in diem 19-am Septembris a. c. indictum haberi. Sacros istius ordinis conventus ad fidem defendendam, mores emendandos, observantiam disciplinae procurandam, abusus, errores excessusque corrigendos, verbo: ad Regnum Dei dilatandum plurimum conferre historia testatur, eosque quolibet saltem triennio haberi SS. Concilium Tridentinum sess. 24. c. 2. de reform jussit.

Dum Edictum istud per Dioecesim publicatum pergo, ct illam ob oculos mentis pono fidei veritatem, secundum quam operum quorumvis felicia initia, progressus et salutaris consummatio a Patre luminum qxoranda sunt; omnes Parochos et parochiarum Administratores hortor et provoco: ut inde a Dominica 13-a post Pentecosten in 22-am Augusti incidente incipiendo et usque finem Concilii continuando omnibus diebus Domini et festis in missa post alias de praecepto orationes Collectam de Spiritu Sancto assumentes Deum enixis exorent precibus, quatenus Praelatorum Provinciae Strigoniensis Conventui Spiritum sapientiae et intellectus, consilii et fortitudinis largiri, illorumque consultationes ad gloriam suam promovendam et Ecclesiae utilitatem dirigere dignetur.

Ut vero precibus Cleri suas etiam conjungant fideles, hi eadem Dominica 13-a post Pentecosten occasione s. sermonis de habendo concilio informentur, et cum illis ab illa die incipiendo usque finem concilii quovis die Domini et festo post -s. sermonem 3. Pater et totidem Ave ad intentionem supra expositam pie absolvantur, nec non jejunium Quatuor temporum mensis Septembris ad eundem finem Deo inprimis offeratur.

Quod Parochi et parochiarum Administratores in ecclesiis parochialibus, idem Religiosorum Conventuum Superiores irv ecclesiis conventualibus facient. > .

FItANCISCUS Episcopus m. p