Püspöki körlevelek 1857 (Szombathely, 1858)
• Piis quorumdam virorum rem scholarum elementarium promovendi studio ductorum conaminibus in acceptis referendum est institutum, cujus finis est: Catholicos in latepatente Districtu Soproniensi Exc. C. R. Consilii L. H. ejusdem nominis Sectionis jurisdictioni subordinato applicatos Ludimagistros, qui ob defectum virium munere amplius fungi non valent, item defunctorum Ludimagistrorum viduas et orphanos pro viribus succollare. — Statuta hujus Instituti cum DD. Vestris jam communicavi; nunc Easdem in id solum provocandas habeo: ut respectivas Communitates per C. R. Organa Politica existentiam et egregium finem Instituti edocendas lpsaemet quoque svadendo eo disponant, quatenus cum DD. Vestris Instituti membris associentur. Adhuc noto: primam Ratam 25-a Julii a. c. aut diebus istam proxime sequentibus persolvendam esse. Catholici Ákosfalvenses in Transylvania, Districtu Vásárhelyiensi ecclesiam parochialem aedificare intendunt, ast viribus sufficientibus destituti nostram opem implorant. Qnare in effectum gr. Exc. C. R. Consilii L. H. Sectionis Soproniensis Rescripti ddto. 10-ae Junii a. c. Nro. 12348 DD. Vestras ad instituendas pias collectas provoco; quas dein medio Vice-Archidiaconi Districtualis ad Officium meum Dioecesanum usque finem Septembris a. c. promovebunt. • Opus, cujus titulus est: „Paraphrasis Psalmorum Popularis opera et studio Thomae Kremnicska J. C. E. Posoniensis Canonici adornata“ Venerabili Clero in persolvendis Horis Canonicis egregio usui futurum DD. Vestris eo addito commendatur, ut — qui illud acquirere intendunt — 1 fl. 30 xr. C. M. titulo pretii medio Vice-Archidiaconi ad Officium meum Dioecesanum mittant, suo tempore etiam postae expensas, quas Reverendissimus D. Auctor in se non suscipit, persoluturi. Franciscus Episcopus m. p.
