Püspöki körlevelek 1857 (Szombathely, 1858)

Datum Sabariae die 12-a Januarii 1857.

Nro. 95.

eTT

I. Reverendissimum Dominum Ludovicum Bitnicz, Abbatem B. M. Y. de Monostra supra Comaromium, G. E. Sab. Lectorem Canonicum, Archidiaconum Ne'met-Ujváriensem, Judicii matrimonialis Praesidem AA. LL. et Philosophiae Doctorem Collegiatum &c. a me die 6-ta c. m. et a. in partem sollicitudinis vocatum et Vicarium meum in spiritualibus ac Causarum Auditorem Generalem dominatum fuisse DD. Vestris eo addito annuncio: ut praetitulato Vicario meo competentem honorem et reverentiam, ac in iis, quae pro muneris ratione egerit, debitam obedientiam exhibere noverint.

• Certis rationibus inductus Yice-Archi-Diaconos ceu Ecclesiasticos penes conscribendas et exequendas posthumas Ecclesiasticorum massas Commissarios eo inviandos censui: ut ex posthuma tali massa non tantum pro Seminario Cleri Junioris, Instituto Deficientium Sacerdotum ac Fundo Dioecesano, sed etiam pro Instituto Vaciensi Surdo-mutorum, item Instituto Pestiensi coecorum adminus 2 flnostCM. sibi tradi faciant, et ad Ven. Consistorium meum mittant.

III. Tempus periodicarum Relationum in fine Directorii adnotatum strictissime observandum esse iterato enuncio.

• Adpropinquante s. quadragesimae tempore, cum quosdam fidelium arcta adjuncta domestica, alios valetudinis, et officii ratio a conscientiosa legis jejunii observantia cohibeant, horum indigentiis spiritualibus hoc tempore enasci solitis succursurus, facultatem a Summo Pontifice Pio IX. die 13-a Martii a. 1853 ad beneplacitum mihi

concessam hujus tenoris „Dispensandi, quando expedire videbitur, super esu carnium, ovorum, et lacticiniorum tempore jejuniorum, et quadragesimae“ DD. VV. eo addito delego: ut cunctis fidelibus in lege jejunii quadragesimalis e fundatis causis dispensationem impetrare cupientibus, hanc pro singulis — praeter ferias 4, 0, et dies sabbathi, relate ad quas disciplinam jejunii sancte observari volo — quadragesimae ingruentis diebus usque Dominicam Passionis inclusive, et eo addito concedere valeant : ut omnes dispensationis participes una tantum vice per diem carnibus vescantur, et singulis, quibus hoc fit, diebus 5 Pater, et totidem Ave ad intentionem S. Matris Ecclesiae persolvant.

Siquis S. Curionum hanc legis veniam ex sufficientibus rationibus in semet extendendam desideraret, in effectum specialis recursus dispensationem impetrabit.

t • Eadem hac occasione DD. Vestris, quas provocationi meae in Encyclicis ddto. 31. Januarii a. 1855 Nro. 113/E. II. sub II. contentae correspondisse suppono, committendum habeo: ut oblata per Vice-Archi-Diaconum Districtualem indilate ad Officium meum Dioecesanum mittant.

FRANCISCUS Eppus m. p.