Püspöki körlevelek 1856 (Szombathely, 1857)

Nro. 416.

E. III

Datum Sabariae die I3-a Martii 1856.

• Ad Conferentias Viennae Austriae a die 6. luturi mensis Aprilis in merito Conventionis inter SS. Dominum nostrum, et SS. C. R. Ap. Majestatem inilae celebrandas mandato Summi Pontificis obsequenter digressurus DI). Vestras provocandas habeo ad Deum, a quo bona cuncta procedunt, enixis precibus exorandum; quatenus Episcopis in suo nomine conventuris Sancto Spiritu assistere, eorumque consilia optimis, qui in Ecclesiam Catholicam et totum Imperium promanent, effectibus coronare dignetur. Quare DU. Vestrae Dominica in Albis sacro parochiali „Veni Sancte Spiritus“ praemittent, in ipsa missa ab ista die usque finem Conferentiarum Collectam de Spiritu Sancto assument, post missam vero ad intentionem praememoratam 3. Paler et Ave cum fidelibus devote recitabunt.

II. SS. C. R. Ap. Majestatem virtute altissimae Resolutionis ddo. 14. Decembris anni 1855 clementissime demandare dignatam luisse, ut in locum Praeparandiarum a. 1842 et 1846 ad vires Fundi Religionis erectarum duodecim Praepnrandiae Catholicae, et quidem undecim pro masculis Candidatis signanter: Pestini, Colocae, Tyrnaviae, Magno-Varadini, Cassoviae, Szathmárini, Neosolii, Strigonii, Sopronii, Quinque-Ecclesiis, et Jaurini; et una pro feminis Candidatis Pestini in Instituto Merularum Anglicanarum ocyus erigantur, respective neo-adjustentur; in obsequium gr. Exc. C. R. Consilii L 11. Sectionis Soproniensis Rescripti ddo. 25 Februarii a. c. Nro. 2787 DD. Vestris sequentibus cum reflexionibus notum reddo:

a) Lingva Institutionis praescripta est penes Praeparandias 1. Colocensem, Strigoniensem et Quinque-Ecclesiensein: tlungarica, et Germanica. 2 Tyrnaviensem, Cassoviensem et Neosoliensem: Slavica, et Germanica. 5. Pestinenses: Germanica, habendo simul rationem Hungaricae. 4. Magno- Varadinensem, Szatbmariensem, et Jaurinensem : Hungariea, habendo simul rationem Germanicae. 5. Soproniensein : Germanica, habendo simul rationem Croaticae.

b) ‘Conditiones susceptionis. Qui in diclas Praeparandias ceu Alumnus suscipi desiderat, tenetur coram Directore Praeparandiae respeclivae producere testimonia: 1. Super absoluto cum bono effectu trium vel duaruin classium scholae reális cursu, vel super absolutis Gymnasii minoris quatuor classibus. 2. Super transacto lO-o aetatis physicae anno. 5. Super moribus. 4. Super firma corporis valetudine. 5. Super praeviis in cantu el organi pulsu cognitionibus et dexteritate. Relate ad hoc punctum Ordinariatus erga remonstrationem Directoris ex rationibus sufficientibus dispensare potest.

III. Annunciationein s. sermonum Gl. D. Ignalii Vezerle in adnexo ad DD Vestras eo addito transmitto : ut qui doctissimi viri sermones acquirere intendunt, nomina sua in elenchum annunciationi subnexum inferentes per Vice-Archidiaconum Districtualem 2 ff C. M. ti«que finem Aprilis ad Officium meum Dioecesanum promovebunt.

IV. Litteras, quas Illustrissimus I). Marianus Sunjic Episcopus Panadensis die 26 Januarii a. c. ad me dedit, quia DD. Vestras aequo modo attinent, in subnexa copia communico :

Illustrissime Domine Episcope! Frater in Christo Suavissime! Aegrotanti mihi, et multis, iisque pungentibus curis divexato benigna Dei misericordia magnum immisit solatium cum perceptione aestimatissimarum litterarum, quas tlluslritas Vestra sub ddo. 15. Decembris 1855 ad me gratiose expedivit. Hae tanto suaviori milii fuere lenimini, quanto largius ex ipsis patent pia fraternae charitatis viscera tam Vestrae Illustritatis ^quam totius sui Venerabilis, exomplarisque Cleri erga suos in Christo filios, Confratresque Catholicos Bosnenses.

Intentiones Sacrorum Nro. 3244 a Vestra lllustritate, el Ven. Clero gratuito susceptae in emolumentum novarum pro Bosnia Ecclesiarum, satis testantur, quantopere dilatata sint spatia magnae Vestrae erga Nos charitatis. Benedictas sit in aeternum Dominus Noster Jesus Christus, qui nos locis, spatiisque etiam dissitissimos, ita in unum mysticum compegit corpus, ut dum unum membrum patitur, vel angustiatur, caetera eidem omnia compatiantur. His, aliisque similibus aucti subsidiis laeti continuabimus ineunle vere caepta, benedicente Domino, opera, quae eius honori, Religionis decori, et fidelium commodo exercendae pietatis destinavimus.

Exaudiet, confido, piissimus Dominus devota suorum pauperum fidelium vota tam pro longaeva, et prospera vita, quam pro aeterna tribuenda gloria adeo generosis suis Benefactoribus.

Recipe, quaeso, amplissime Praesul ! recipiat etiam Venerabilis tuus Clerus tenera mea, meorumque omnium grati animi sensa eo amabili affectu, quo pia Vestra corda, et nostris commoventur adversis, et collaetantur rebus prosperis. Admitte me demum ad suave in Christo osculum, et me tuis pretiosis affectibus fovere perge.

Vestrae Illustrissimae et Reverendissimae Dominationis Devinctissimus in Christo Jesu F. Marianus Sunjic m. p. Episcopus Panadensis, et Vicarius Apostolicus in Bosnia. Datum Fojnicae in Conventu S. Spiritus die 26. Januarii 1836. Illino, ac Rvdsmo. D. Francisco Szenczy Episcopo Sabariensi.

FratBiciscus Episcopus m. p.