Püspöki körlevelek 1855 (Szombathely, 1856)

Nro 512 E. IV.' "

Datum Sabariae die 13-a Martii 1855.

Ad dignitatem, decorernque cultus divini promovendum A. R. D. Josephus Tárkányi, Archi-Dioecesis Atriensis Presbyter, et Secretarius Archi-Episcopalis edidit librum, cui titulus „Katholikus Egyházi Énektár.“ Cognita operis hujus praestantia, et penes cultum divinum publicum summa utilitate, ne dicam, necessitate, — paginas opus nunciantes accludendo — omnibus Parochis, et Administratoribus labii Hungarici parochiarum hisce committo: ut dictum opus pro Ecclesiarum parochialium — et ubi expedire videbitur, etiam filialium — usu, aut ceu benefactores ad proprias, aut via instituendae collectae ad rationes communitatum, et si hoc non succederet, adminus ad rationes Ecclesiarum respectivarum procuraturi, pretium ejus 4 fl. C. M. si non ante,-certe usque 50 am Aprilis c. a. medio Vice-Archidiaconi Distrietualis ad Officium meum Dioecesanum promoveant.

•» Ecclesia S. Andreae Comaromiensis , quae inter pulcherrima hujus Regni catholicae architecturae monumenta referebatur, exitiali a. 1848. incendio conflagravit; quamvis catholica illius urbis communitas omnes vires suas adstrinxent, bello tamen, igne, et exundationibus postremo hoc tempore ultra modum adflicta, et ferme ad incitas redacta, parum opitulante privatorum munificentia, aedem sub tectum quidem locavit, multum tamen abest, ut restaurare potuerit. Quare erga provocationem Eminentissimi D. S. Rom. Eccl. Cardinalis, et R. H. Primatis, preces dictae communitatis ad DD. VV. eo addito perfero; ut quidquid cuivis subsidii titulo in Domino conferendum visum fuerit; id medio Vice-Archidiaconi Districtualis usque diem 30-am Aprilis a. c. ad Officium Dioecesanum meum promoveat.

III. Andreám Horváth Dioecesis Jaurinensis Presbyterum ob apostasiae crimen , et quod temere spreto indelebilis characteris Sacerdotalis impedimento sacrilegum nuptiale foedus iniverit: die ,9-a Januarii a. c. ab Ordinum susceptorum, et Jurisdictionis exercitio suspensum, potestate, dignitate, et privilegiis ecclesiasticis depositum, et verbaliter degradatum, nec non excommunicatum fuisse, DD. VV. ideo notum redditur: ut si fors infelix iste vir in quadam Dioecesis parochia jura ordinis, vel jurisdictionis exercere intenderet, hoc praecavere valeant, et supplices ad eum attollant manus, qui neminem vult perire, sed omnes ad agnitionem pervenire veritatis, quatenus praenominatus vir, dissipata mentis caligine, cordisque velamine ablato, ad S. Cath. et Apóst. Ecclesiam Matrem revocetur.

IV. Cum consignationes omnium praeexistentium matrimoniorum mixtorum, quas jam mense Februario exhiberi oportuisset, e nonnullis parochiis plane non exhibitae, ex aliis vero nonnisi relqtiones super contractis intra gremium parochiarum respectivarum a. 1854. matrimoniis mixtis tales exhibitae fuerint, ut nulla fieret mentio matrimoniorum mixtorum aliorum praeexistentium, natarum exinde prolium, harum aetatis, et earumdern in qua religione? educationis, item an illa praeexistentia matrimonia mixta cum, vel sine reversalibus inita fuerint? ideo omnibus hujus categoriae Curatis hisce serio injungo: ut restantem, aut modo praescripto complendam relationem immediate, et quidem adminus usque 20-am Aprilis a. c. ad Officium meum Dioecesanum promoveant.

Francfscus Episcopus m. p