Püspöki körlevelek 1854 (Szombathely, 1855)

Sabariae die 21-a Decembris 1854. Nro 1969.

1. In obsequium Exe. C. R. Consilii L. H. Sectionis Soproniensis Rescripti ddto 4-ae Nov. a. c. Nro 15008 emanati ex illo incidente, quod quidam ablicentiatus miles citra Jurisdictionis militaris indultum copulatus fuerit, Dominationibus Vestris praevigentium hoc in merito altiorum ordinum observantia iterato inculcatur.

II. Exc. C. R. Consilii L. H Sectionem Soproniensem vigore gr. Rescripti ddto 15-mae Nov. a. c. Nro 15304 insinuando Viennae in Bibliopolio, cui titulus „k. k. Schulbücher Verschleisz Administration“ procurari posse libellos „Fibel, ac Erstes Sprach- und Lesebuch für Israelitische Volksschulen;“ exponendoque constitutum fuisse; ut hi libri jam c. a. scholastico 1854/5 m scholas Israelitarum introducantur ; gr. disponere dignatam fuisse ; ut cum dictorum librorum contextus ab eo, qui in hujus tenoris libris in usum catholicae juventutis scholasticae editis habetur, in eo tantum differat, quod locis doctrinam specifice catholicam continentibus talia suffecta sint, quae spiritum legis mosaicae redolent, alumnis Israelites scholas Catholicorum elementares frequentantibus libris dictis uti integrum sit, Dominationibus Vestris eo addito significatur : quatenus Ludimagistris earum scholarum, quas quosdam alumnos Israeliticos frequentare contingeret, exponant iisdem in sensu gr hujus Rescripti non incumbere obligationem loca specifice mosaica exponendi, aut pro lectione assumendi

III. Eandem C. R. Consilii L. H. Sectionem Soproniensem virtute gr. Rescripti ddto 24-mae Nov. a. c. Nro 18627 constituisse, ut Ludirectores libro, cui titulus: „Methodik des Kopfrechnens in Verbindung mit zahlreichen Übungsaufgaben für die erste Klasse der Volksschulen im Kaiserthume Oesterreich. Für Lehrer, und Lehramtscandidaten Gebunden in Leinwandrücken 18 xr. C.M , quique in Bibliopolio sub II. attacto procurari poterit, ín hoc arithmetico genere docendo utantur ; Dominationibus Vestris eo addito notum redditur, ut Ludirectores hqc idem edoceant, facereque procurent.

IV. In effectum recentioris dispositionis per Ex. C. R. Ministeria Justitiae, et Internorum quoad mortis, casus insinuandos factae Dominationes Vestras ab obligatione hujusmodi insinuationis pro futuro relevatas esse, cohaerenter cum Exc. C. R. Consilii L. H. Sectionis Soproniensis Rescripto ddto 4-ae c. m. et a. Nro 19871 Dominationibus Vestris eo addito significatur, ut mortis casibus insinuandis inposterum supersedeant.

V• Tomum tertium operis „De Matrimoniis mixtis inter catholicos et protestantes." Scripsit Augustinus de Roskovány, antea Canonicus Agriensis, nunc Episcopus Vaciensis, prelum deseruisse, Dominationibus Vestris eo addito notum redditur; ut, qui praehabitis duobus primis 'fornis, hunc tertium procurare intendunt, ejus pretium in 3 fl. 30 xr. CM. per Vice-Archidiaconum Districtualem ad officium Dioecesanum usque finem Januarii a. f. mittant. Tandem

.. Committo, ut quivis Parochorum, aut Administratorum summam encyclicis typis vulgandis impensam refusurus medio Vice-Archidiaconi Districtualis 30 xr. CM. usque finem Januarii a. f. ad officium meum Dioecesanum mittat.

Franciscus Eppus, m. p