Püspöki körlevelek 1854 (Szombathely, 1855)

Sabariae die 18-a Augusti 1854.

Nro. 1355.

Quae intuitu Examinum Synodalium per Exc. C. K. Ministerium Cultus in conformitate cum Exc. Episcoporum Chori Consultationis resultato constituta fuerint? ex adnexo Encyclicarum mearum dd‘° 5-tae Septembris anni 1853 Nro. 1174/1192 patet.

Ordines istos non omnes eodem ponderare momento, non debite reputare eorum effectus , imo illius esse quosdam opinionis, quasi institutum Examinum Synodalium ceteroquin saluberrimum pro arbitrio neghgere liceret, compertum habetur.

Ut igitur omnes Ordinum altiorum in hoc mento editorum effectus tam transitorios, quam perennes intelligant, et quid eos, qui benelicio ecclesiastico admoveri, aut ab uno ad aliud transferri intendunt, facere oporleal? sciant, ac exequantur; Dominationes Vestras ad sequentia reflectere constitui.

1- mo. Volo, ut supradictarum Encyclicarum adnexum omnes attente legant, et relegant.

2- do. Omnes considerent Ordinum altiorum relate ad Synodalia Examina editorum effectus

a) Transitorios. A die emanationis benigni Exc. C. R. Ministerii Cultus intimati, sive a 20-ma Februarii anni 1853, usque 20-mam Februarii anni 1855 absque praevio Examine Synodali praeter eos, qui ab illo subeundo dispensati sunt, nonnisi actuales Parochi, stabiles Administratores, et novem annorum completorum Presbyteri pro beneficiis vacantibus praesentari, et si examen sic dictum approbatorium subiverint, canonice investiri possunt, igitur Presbyteri nondum annorum novem completorum, nisi ad seriem dispensatorum pertineant, aut Examen Synodale praecedenter subivissent, nec praesentari, nec investiri poterunt.

Quare omnes ii, qui novem annorum Presbyteri nonduin sunt, nec Synodale Examen subiverunt, se beneficiorum adipiscendorum incapaces reputabunt, atque a recursibus ad vacantium Ecclesiarum Patronos fine consequendi beneficii instituendis tanto a fortiore abstinebunt, quia praesentatio ceteroquin ceu nullius vigoris rejicienda foret.

b) Perennes. Post diem 20-am Februarii anni 1855 pro beneficio vacante — praeter dispensatos — nemo praesentari, nec ab uno beneficio ad aliud transferri, eo minus investiri poterit, nisi Synodale Examen praecedenter subivisset.

Cujus in effectum omnes — praeter dispensatos — trium annorum Presbyteros non secus, ac Parochos, et Administratores stabiles paterne moneo; ut, si Cooperatores beneficio admoveri, Parochi vero, aut Administratores a suo beneficio post 20-mam Februarii 1855 ad aliud transferri desiderent, Synodale Examen praecedenter subire satagant; Cooperatores etenim post praefatam diem absque Examine Synodali a beneficiis consequendis cohiberi; Parochos vero, et Administratores in sua statione jugiter perseverare oportebit.

3- io. Mensium Maji, et Septembris cujusvis anni dies, quibus in specie Examina Synodalia asservanda veniunt, in posterum quovis anno in fine Directorii exponentur.

4- 0. Qui praefixo termino Examen Synodale subire parant, hanc suam intentionem decem diebus ante eundem terminum Officio meo Dioecesano insinuabunt. Hinc

5- 0. Cum futuri mensis Septembris diebus 12-a, 13-a, etl4-a Synodale Examen asservabitur;

omnes, qui illud subire intendunt, hoc idem usque secundam Septembris, vel si hoc ob tardiorem harum perceptionem fieri nequiret, adminus usque octavam Septembris Officio meo Dioecesano notum reddent.

Franeiscus Episcopus