Lackner Kristófnak, mindkét jog doktorának rövid önéletrajza; C sorozat 5. kötet - Sopron Város Történeti Forrásai (Sopron, 2008)

Lackner Kristófnak, mindkét jog doktorának rövid önéletrajza

VITAE CHRISTOPHORI LACKHNER I. U. D, HOMINIS, BREVIS CONSIGNATIO. IN NOMINE DOMINI. Lackneri natales et pueritia Csepreginum mittitur ubi morbo affectus est [I.] CHRISTOPHORUS LACKHNER I. U. D. Anno salutis nostrae MDLXXL XVIII. Ixbris ADAMO LACKHNER, cive et senatore Semproniensi aurifabro, Sebastiani Titmaninge<ns>is [?] Bavariae civis et aurifabri, ANNAEque consortis filio legitimo, nec non matre BARBARA Aspongensi, alias Schiferiana familia, legitimis et honestis parentibus Sempronii in Regia atque Libera Regni Hungariae partium inferiorum praefati Regni Civitate atque <re> publica renatus, et in nomine S. Trinitatis, Patrinis ADAMO Saibitt, EMERICO Papai, senatore Aurifabro, Civibus, nec non ANNA Steineriana, per Reverendum et Doctissimum Virum et Pastorem M. JONAM PETRUM MUSAEUM, Evangelicum Concionatorem Semproniensem Primarium, postmodum languidus et debilis feliciter baptizatus est; Divina hinc adiuvante gratia, lacte materno et infantilibus ludis satiatus et educatus, valentulus actutum frequentavit Patriae scholam, inibi ut in moribus et litteris laudabiles imbiberet fructus, ubi Elementa et litteras hausit, easdemque [p. 2.] collegit, quoad tandem legere didicerit. In Grammaticis ut Elementarius pro ingenii viribus profecit, solo WOLFFGANGO ROSENKRANZIO, succisivis horis, Praeceptore privato aliquamdiu usus est; quo temporum curriculo, Anno MDLXXIX. die 3. Julii materna cura et consortio, per misereri nesciam mortem avulsus, Patrisque solius fidei relictus est. Et quia dulcissima mater suprema voluntate cavit, ut filium CHRISTOPHORUM pater in litterarum studiis sedulo educaret, voto maternoque desiderio Parens adusque satisfecit, ut non modo filium domi, omni cura et studio educaverit, verum ubi aeris temperiem Hungariae crassiorem, resque non naturales ferre potuit, propter inibi idioma Hungaricum, Csepreginum, Nadasdianae Iurisdictioni subiectum quoque ablegavit, ubi institutio discere volentibus non defutura ordinata et praescripta erat: ast quia Parentis absentia et adolescentis filii libertas, propter lubricum eius aetatis iudicium, studia nihilo vehementius, immo remissius promoverunt, factum est, ut quae Sempronii saluberrime et feliciter hausit, decrementum Csepregini sumserint; unica Hungaricae linguae cognitione quali quali salva. Accesserat et hoc incommodi, ut, qui natura non adeo robustus, vel mollis et tener potius erat, morbo Hungarico laboraret graviter, et ne subsidiis et <re>mediis destitutus interiret, Pa[p.