Lackner Kristófnak, mindkét jog doktorának rövid önéletrajza; C sorozat 5. kötet - Sopron Város Történeti Forrásai (Sopron, 2008)
Lackner Kristófnak, mindkét jog doktorának rövid önéletrajza
Sopronii absens in consulem eligitur novum regem inscriptione honorat Muros suburbiales ducere pergit novae inscriptiones tum torquatus ipse vidit e cista exemptum: et manibus sceptrum in conclavi tenens, omnia reliqua, utputa calceamenta, Pallium, Pomum, gladium etc. manibus tetigit, et ad Templum D. Martini, cum reliquis Delegatis et Deputatis sex comitatus, ibi ceremoniis rite peractis, ad Monasterium (ubi 96 Equites Aurati creabantur) se contulit. Tandem ad arcem, inde et reliqua in monte a Rege peracta eminus perbelle vidit. Sic tandem Convivio Regio exceptus in arce, tandem Coronam et reliqua Insignia Regia omnia, cum praefatis Deputatis, denuo ad Turrim, consuetum conservationis locum detulerunt. Ibi Lackhnerus manibus propriis Coronam tantum thesaurum ipse complicuit, et praesentia sua omnia, quae maximi quique viderunt, lustravit. Cardinalis Kleselius 97 ipse, cistam ferream, sigillis inviolabiliter deprehensis, et resignavit et obsignavit, nomenque ipse Cardinalis suum creta Rubea, memoriae gratia parieti inscripsit, prout reliqui. Ad quam Cardinalis Inscriptionem, alta, qua licuit, voce, omnes strenue in ipsa turri VIVAT! exclamarunt. Hoc ita gratia DEI feliciter peracto, Regiam Maiestatem et Serenissimum Principem Archiducem Maximilianum, ad solitam Regis Ferdinandi residentiam comitati sunt omnes. Deus Author Regum hunc optimum Regem felicem et pacificum, ad Nestoreos usque annos, nobis Augustum et Triumphantem clementer tueri et Patrem Patriae regere velit. Id quod ani[p. 54.]mitus, cordicitus et medullitus precamur omnes. [XXXVIII.] Eodem, die 16. Iulii cum primum Posonio veniens, Curiam seu aedes Senatorias conscendisset (iam antea in absentia 77. suffragiis) solenniter iterum exceptus, a tota Communitate sceptrum sibi publicitus honorifice traditum accepit, et sic Comitiva totius Communitatis ad aedes sceptrum, claves et sigillum deportavit. DEUS Author omnis Magistratus et huius conatus ita regat salutares, quo ad gloriam DEI, et proximi salutem tendant, amen! Eodem in noviter electi Regis Ferdinandi honorem, emblematica figura, monimenti et memoriae gratia iam fati Regis Serenissimi Nomen scite et eleganter cum die et anno Coronationis, depingi ad aedes senatorias curavit. Eodem anno non modo in coepto opere muri suburbalis perrexit, verum et turrim mediam, et praecipuam Civitatis restauravit, exornavit, novaque veste dotavit. Portas simul cum picturis scite et eleganter depingi curavit. Utputa in porta primi ingressus secundaria perspicilia tria forma triangulari, cum versibus Germanicis:
