Lackner Kristófnak, mindkét jog doktorának rövid önéletrajza; C sorozat 5. kötet - Sopron Város Történeti Forrásai (Sopron, 2008)

Lackner Kristófnak, mindkét jog doktorának rövid önéletrajza

Pecora ex agro Dersfianorum abigit Caesarei et Dersffy Sopronii consultant Lackner in proelio ad Unyom Tartarum capit [XX.] Die 1. Iulii hic Lackhner, cum Comes a Salms saepius di[p. 28.]xisset, Dersfianae iurisdictioni subiectis non esse parcendum, ut qui hostem in sinu non modo, cum nostro et Christianitatis damno foveant, verum et alimentis et subsidiis necessariis succurrant, ad castraque hostis tuti accedant, et recedere pacifice valeant, cum Banderio suo, adscriptis quibusdam aliis 47. equitibus, et pedestri exercitu 156. scilicet peditibus, concivibus et etiam Dersfianis Germanis (qui illum de itinere et praeda certiorem reddidere, et praecursores extitere) subditis, ex manibus eorum, qui a fidelitate Caesari debita descivere, boum et vaccarum 308. equorum 53. numerum abegerunt, domumque Sempronium pepulerunt, cunctis, ut par erat, aequabiliter divisis. Paulo post, cum sclopetariis Caesareanis, et quibusdam ex civibus e loco auf der Hand, ad Landsee pertinente 36. boves et vaccas unico duntaxat equo abegerunt, ubi fugatis quibusdam ad Haaritschon hostibus, offenderunt quosdam messores cum falce et quibusdam manipulis mortuos, vulneratos et semivivos, quos hasta militari ad portandum <imponi>, et demum ad Ecclesiam inibi sitam deportari

39 hostis D. Lackhner iusserat, et sic domum in pace reversi sunt. [XXI.] Die 31. Iulii Capitaneus Lobel cum Christophoro Teiiffel Commissarii Caesarei Sempronium Banderio albo Lackhneri et Capitaneis aliisque Caesareis militibus, pro comitiva obviam missis, venerunt, sequenti vero die [p. 29.] Sempronium et Dersffy venit; quid conclusum sit, non per omnia constabat; sed eventus ostendit, omnia ad pacificationem, et tranquillum statum fuisse conclusa: quippe et Kermend, Savaria et Gunzinum, ad fidem et protectionem Caesaream redierunt. Collectis porro viribus rebelles perrexere in malitia, contra quos Caesarea Maiestas Praefectum et Mareschalcum Monsieur Tilli cum copiis ablegaverat, qui castra Sempronio egressus primo ad monasterium prope Gunzinum <posuit>; et tunc simul cum Comite a Salms 24. Novembris eques Lackhner eo profectus est, solum ut debitam fidelitatem, et promptum ad quaevis subeunda animum ostenderet. Tertia denique Decembris, cum ad certamen omnes se praeparassent, omniaque disposuissent, hostemque pugnandi animo praesentem intellexissent, summo mane ad pagum Unyom, dato signo, ad pugnam militem Caesareum rebelles incitarunt, quibus tandem in fugam proiectis ad 2000. equorum et banderiis quinque nactis, caesis nonnullis, paucis captis, victoriam obtinuerunt. Hic Lackhner ad Artegliariae castra manens proprio equo, dato signo ante auroram illico hosti, sub Banderio Excellentissimi Vasto, cum Lucifero Emblemate, et inscriptione, inter omnes notato, obviam