Bél Mátyás: Sopron vármegye leírása II.; C sorozat 3. kötet - Sopron Város Történeti Forrásai (Sopron, 2006)

SOPRON VÁRMEGYE LEÍRÁSA

Baronum, in quo superioribus temporibus semper versatus es, benigne eximentes, ac per te liberos tuos iam natos STEPHANVM, vtpote filium et MARIAM MAGDALENAM filiam, haeredesque et posteros tuos vtriusque sexus vniuersos perpetua serie, ex lumbis tuis descendentes, ad gradum et ordinem liberorum, maiorum ac perpetuorum eiusdem Regni nostri Hungariae, Regnorumque ac partium ei subiectarum comitum a germanica natione Groff vocatorum assumsimus et eleuauimus atque dignitatem Perpetui Comitis tibi NICOLAE ESTERHAZY ac filiis, haeredibusque et posteritatibus tuis vtriusque sexus vniuersis, ex legitima serie descendentibus, super castro atque districtu siue dominio Frakno alias Forchtenstein Tibi haeredibusque tuis masculini duntaxat sexus per alias litteras nostras iure haereditario collato, in perpetuos et liberos comites solenniter pronunciauimus, creauimus, et praefecimus, Te tuosque haeredes, liberos ac perpetuos comites de Frakno alias Forchtenstein, ab omnibus dici, nominari et scribi, ac pro perpetuo dictae arcis, dominiique Frakno seu Forchtenstein comite haberi et praedicari volumus. Decernentes ac ex certa nostra scientia animoque deliberato concedentes, vt Tu NICOLAE ESTERHAZY comes, ac filii et hae-redes tui vniuersi cera rubra quo ad sigillum insignium praefatae arcis et dominii Frakno, ac ceteris omnibus gratiis, honoribus, praerogatiuis, indultis, libertatibus et priuilegiis, quibus ceteri dicti regni nostri Hungariae, aliorumque regnorum et partium ei subiectarum, liberi ac perpetui comites, de iure et antiqua consuetudine, vel alias qualitercunque vsi sunt et gauisi, vtunturque et gaudent, vti frui et gaudere perpetuis semper temporibus possitis et valeatis. Immo eximimus, assumimus, pronunciamus [p. 117r] creamus, praeficimus, volumus, damusque et concedimus praesentium per vigorem harum nostrarum vigore et testimonio literarum mediante. In cuius rei memoriam roburque et firmitatem perpetuam, praesentes litteras nostras Priuilegiales duplicis atque Authentici sigilli nostri, quo vt Rex Hungariae vtimur, impendentis munimine roboratas tibi comiti NlCOLAO ESTERHAZY de Frakno alias Forchtenstein tuisque haeredibus et posteritatibus quibus supra vniuersis, clementer dandas duximus et concedendas. Datum per manus fidelis nostri nobis sincere dilecti Reuerendissimi in Christo patris Dn. Petri Pazmany Archiepiscopi Ecclesiae Metropolitanae Strigoniensis, locique eiusdem Comitis perpetui, Primatis Hungariae, Legati nati, summi et Secretarii Cancellarii et Consiliarii nostri intimi, in ciuitate nostra Vienna Austriae, die decima mense Augusto, Anno Domini millesimo sexcentesimo vigesimo sexto, Regnorum nostrorum Romani septimo, Hungariae et reliquorum nono, Bohemiae vero anno decimo. Reuerendissimis ac venerabilibus in Christo patribus Domino praefato Petro Pazmany Metropolitanae Strigoniensis et Joanne Thelegdy Colocensis et Bachiensis ecclesiarum canonice vnita-