Bél Mátyás: Sopron vármegye leírása II.; C sorozat 3. kötet - Sopron Város Történeti Forrásai (Sopron, 2006)
SOPRON VÁRMEGYE LEÍRÁSA
quam etiam particularibus ac generalibus expeditionibus, pro virili tua, strenuam operam nauasti. Talibus itaque virtutis speciminibus editis, altioribusque dignitatis gradibus, virtutibus et meritis tuis id exigentibus, per praefatum Matthiam in Sacro Romano Imperio et regno Hungariae, Rudolpho succedentem, sicut et per te reliqui fratres tui carnales, et congenerationales, in numerum capitaneorum et consiliariorum ascitus et cooptatus fuisti, vbi primum palaestram moderandi et gubernandi status publici aggressus, a totius regni istius nostri Hung. vniuersis statibus et ordinibus, ad publicum et generalem conuentum principum, aliorumque regnorum et prouinciarum, per praelibatum Matthiam Imperatorem Lincium in anno millesimo sexcentesimo decimo quarto indictum, vbi non nisi de arduis et grauissimis reipubhcae christianae negotiis, saluteque publica asserenda pertractabatur, vna cum aliis Collegis tuis, pro solenni legatione perfungenda dimissus fuisti. Nec minus, post modum toto eo tempore, quo pax alma in isto regno nostro vigeret, et populus desiderato et tranquillo statu perfrueretur, pro omni occasione eum te exhibuisse, tam veraci ac fideli aliorum quoque testimonio ac relatione intelleximus, quam etiam propria nostra experientia sufficienter, lucide ac benigna cum satisfactione nostra cognouimus, vt et dignitatis auctoritatisque regiae tuendae ac venerandae, et regni gentisque ac nationis istius commodi procurandi & iuuandi, constantem semper animum et conatum habuisse, deprehenderis. Hinc est, quod maiora semper ac maiora aemulatus, deque sufficientia et dexteritate tua, Augusta domus nostra Austriaca confisa, atque fidelitate, constantiaque et sinceritate secura existens, officium Baronatus Magistri Curiae, cum consiliariatus honore, in anno Domini supra millesimum sexcentesimum decimo octauo consecutus, in grauissimis, et maximi momenti negotiis, conseruationem nimirum regni, et communem nonnisi Reipublicae Christianae condkionem concernentibus, operam et studium tuum impendendum esse voluerit: Testes eius rei sunt locupletes, etiam post funestas et exitiales perturbationes, et ciuiles discordias, quae superiorum annorum decursu in vicinis regnis et prouinciis concitatae fuerant, eaeque in regnum quoque istud nostrum Hungariae penetrantes, plurimorum inibi animos labefactauerant, qui nimirum principis Transiluaniae Gabrielis Bettlen factionem secuti a fidelitatis officio ac natura[p. 117o]li eorum Domino, Regique legitimo debito homagii vinculo aut secesserant, aut abducti fuerant. Non solum autem pro virili tua, hostili eiusdem conatui temet opponendo, cum capitaneatu equitum mille quingentorum fungereris, et etiam duram obsidionem in castro Lakompak ab ipsius principis Transiluaniae Bettleni exercitu, anno millesimo sexcentesimo vigesimo mense Septembri sustineres, <et> 16 auxiliaribus nostris copiis tibi submissis, per exercitus nostri generalem Spectabilem ac magnificum Henricum
