Bél Mátyás: Sopron vármegye leírása II.; C sorozat 3. kötet - Sopron Város Történeti Forrásai (Sopron, 2006)

SOPRON VÁRMEGYE LEÍRÁSA

Neque enim per conclauia, quod moris est, ob lauantium verecundiam, cadi sunt dispertiti; sed sub vno eodemque tecto, sine parietum interordiniis, depositi. Alioquin, eximia fonti laus est, quam, data opera, loco suo, expromemus. Vicus, colonia est oris Germanici. 4. ) Medvisch, eodem orae tractu, prope lacum, altius septentrioni succedit. Ab Hungarorum Megy, cerasi genere, quod hoc loco vberius conualescit, Megyes; et hinc Germani Medvisch, adpellant. Alii, a lacu, cui imminet, quod is maris speciem praebet, Meerwisch Germanice putant nuncupandum. Sed Hungaricum etymon, ad similitudinem veri, pronius est. Vicus, pulchra aedium serie instructus, plateae longioris speciem exhibet. Quod ex agro eius, in lacum propensum est, pabulo seruit, nisi accessibus aquae obtegatur; reliqua ruris portio, gignendo vino commoda est adeo, vt post Farkas-Falvense, gloriam Semproniensium praecipue tueatur: iila maxime, quam promontorium aureum, seu Goldberg vocant, quaeque Rustino vicina est, incomparabilem laudem meruit. Sachsius, Aurimontanum nominauit. Hungaria, inquit, vina commendat Oedenburgensia, praecipue circa Rustum, et Neosidiensem iacum, in arenoso loco, prouenientia, inter quaeprae[p. \62.)ceIIunt Aurimontana, die Goldberger. 5. ) Klingenbach, milliari Sempronio, itinere Vindobonensi, dissidet, accliui terrae positione, atque frumento potius, quam gignendo vino, habili. Vicus laxus est, et frequens, cui riuus, quo subluitur, nomen communicauit. Groaticus et hic sermo, Germanicum nimis adulterat. 6. ) Foipersbach, alii Leopoldsbach malunt nominare. Sedet, in occasum, loco, ad radices montis Austriaci, retruso atque abdito. ob cuius perpetuas iniurias, vitis haud proficit, frumento interim laetius conualescente. Medium, riuus interluit, minutis pisciculis, quos fundulos vocant, amicissimus. Plurimi enim hinc Sempronium adferuntur; idque praecipuum incolarum donum est, quod, magistratus salutaturi, adferunt. Lingua Germanica vtuntur; moribus autem sibi peculiaribus. 7. ) Agendorff propius ad vrbem accedit sub eiusdem montis radicibus. Aedificiorum multitudine, Foipersbacho antecedit; sed fertilitate terrae, eidem fere similis est. Corus, qui a Caetio monte irruit, viti nimis iniurius est, facitque, vt vinum cogatur austerius, quam pro laude agri Semproniensis. Fructus arborum, melius proficiunt. Pruna certe, liberalis sunt incrementi, saporisque grati. Est et frumenti seges, multae laudis, ob grani singularem praestantiam. Incolae Germanice loquuntur. 8. ) Wohndorff melius quam Wandorff; pessime Bondorff nuncupatur. Amoenus est locus, hinc apertis campis, illinc montium [p. 163.]