Bél Mátyás: Sopron vármegye leírása II.; C sorozat 3. kötet - Sopron Város Történeti Forrásai (Sopron, 2006)

SOPRON VÁRMEGYE LEÍRÁSA

secundo praeterito forti ac imperterrito animo dimicando, eo tum ibidem cum tribus patruelibus suis, vtpote Francisco, Thoma, et Casparo, pro dulcissima patria gloriose occumbere non dubitauit, illibatam hdelitatem, sanguine suo, cum perpetua, et insigni nominis sui laude contestando. Quoniam autem non degener praenotati quondam Comitis Ladislai Frater germanus praetacti quondam Comitis Nicolai Esterhas Palatini filius, vtpote fidelis noster, nobis sincere dilectus spectabilis, et Magnificus Comes Paulus similiter Esterhas de toties fata Galantha perpetuus in Frakno, Magister curiae nostrae regiae, Sacri Romani Imperii nostri eques, Comitatus Soproniensis Supremus Comes, partium praerepetiti Regni nostri Hungariae antemontanarum generalis Capitaneus, Camerarius, et Consiliarius noster intimus, semper in id omnibus ingenii ac animi viribus incubuit, vt cum primis Sacrae saepefati Regni nostri Hungariae Coronae, et deinde maiestati nostrae, praescriptaeque inclytae et Augustae Domui nostrae Austriacae summa semper fide, et sinceritatis constantia, atque alacritate, famulari et inseruire posset, et quemadmodum iam a viginti octo annis nobis, antenominatisque praedecessoribus nostris, gloriosissimis fideliter et sine labe inseruiens, multifariis contra hostes victoriis clarus extitit, suam pro Deo, nobis ac dulcissima patria strenue nauans operam, et cum virtus per ardua tendat, in rebusque aduersis magis illa elucescat. Posteaquam proximo belli turcici tempore, in anno videlicet millesimo sexcentesimo sexagesimo quarto praeterito Canisam obsidione cingi fecissemus, ad vnicam dumtaxat benignam requisitionem nostram, cum numerosis militibus, tormentisque, ac munitionibus suis, nullos labores sed, nec vitae pericula pertimescendo, vel facultatibus, expensisque suis parcendo, eo se contulit, ibidemque prudentissimi ducis, simul et militis fortissimi munia obeundo, prompto et exerto desideratae fidelitatis, et constantiae exemplo, aliis tamquam speculum (uti id a compluribus occulatis testibus nobis innotuit) praeluxit, tantoque discrimini expositus fuit, vt tormenti hostilis globo pileus eidem ex capite eriperetur, et dum [p. 117bb] non pauci suorum diuersis in praeliis, ac ipso etiam obsidionis in ardore desiderarentur, imperterritus persistens, de hostibus in quindecim iam congressibus et dimicationibus in persona interfuit, iugique felicitate, semper victoriam reportauit. Turcica vero praesidia, seu ortalitia aliquot, ac inter cetera Segesd, Barcz, Turbek, Darda, et Babocha, nostrae subiecerat potestati, sed et contra perduelles, et aduersarios nostros publicam pacem et tranquillitatem praememorati Regni nostri Hungariae turbantes et conuellentes, a nobis expeditus, eosdem in aperto campo collatis fortiter signis, auitae fidelitatis, virtutis, constantiae, et fortitudinis memor infracto, et excelso animo pro Dignitate et authoritate legitimi Regis, ac Domini sui obseruanda cecidit, fugauitque, prout in praesentiarum etiam coe-