Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
Stad haimlich auff S. Michael durch das KhirchgässeP, khamen auff den freythoff vnd in die khirchen, brachten ir gar vil vmb, verjagten die andern, vnd wan einer auff dem Michels Turn nicht geschriren hette auß den Botschkaischen, seine gesellschafft (46 r ) solle sich nicht furchten, der Teutschen warn nuer ein wenig, so wären die Botskaischen auff dem Anger für lärmen vnd schrekhen verjagt worden < vnd > oder hetten sich in die flucht geben. Vber wenig Tag <kham> rukhte der feltoberster Georg Basta von der Neustadt mit 4000 zu Ihnen, da sie das in der Nacht zuvor Innen worden, sein sie in derselben Nacht aufgebrochen, der Basta aber Ihnen nuer biß auff Creutz nachgejagt, er hette sie Vndter Creutz wol schlagen khonnen, aber man sagt es sei Ihm ein Vaßl auß dem Schloß Creutz damals Verehrt worden, was es etwo gewesen mueß sein. Diß sollte ballt in Anfang Vermeldet sein worden, daß der Trautmanßdorffer die Stad Schlüssel, wie er in die Inner Stadt herein ist gezogen, von H(errn) bürgermaister begert hat, hat Ihms ein Ehrsamer Rath lang abgeschlagen biß erzherzog Matt(46 v —47 r ) hias geordnet, der Trautmansdorffer soll zwar die Stadschlüssel haben, aber in auff vnd zuesperren soll alzeit der bürgermaister oder ein Rathsherr dabei sein: allso hats der Graff von Salm auch gehabt vnd der Horatius de Mantua oberster Leutenambt des Grafen von Salm. Auch hat schir khein brieff an einen Rath oder bürgermaister khonnen geschikht werden, die obersten haben den Inhallt wissen wollen. Der Nadasti Thomasch, der Vnser Stad hauptman sollte die Stadt defendirt haben, hat es mit dem feind gehallten, auch der Deörssfi. In disen 1605 viltrübsaligen Jahr ist ein ox vnder 3 oder 4 Taller verkhaufft worden, ein khueh per 2 taller verkhaufft worden, ein oxnhaut per 18 Vng(rische) Pfenning verkhaufft worden, Eine Sau per 2 sol. ö. etc. Vnd haben dennoch die fleischakher das Ph(und) rindfleisch per 3 oder 4 Vng(risch) Ph(enning) verkhauftt. (48 r ) Dises 1605. Jahr haben wir angehalten vnd verhofft, <wie> man wurde vnß den zehendt lassen vnd nicht wekhnehmen, weil der Bischoff Pethe gestorben, vnd wir in diser grossen feindes Noth vnwiderbringlichen schaden erlitten haben, damit sich die Stad etlicher maßen widerumb erholen khöntte. Aber der Kayser hat nichts destoweniger durch die Vngrisch Camer zu Preßburg den Zehend alhie abnemen laßen, vnd da Ihnen die Zehendt wein nicht gefallen wollen, haben wir die beßten wein darfür von der Stad vnd die Vässer Noch darzue geben, vnd gehn Wien füren 23 Heute wird diese Gasse Hegy utca (Berggasse) genannt, die verbindet die Halász utca (Fischergasse) und den Wieden (Gazda utca)
