Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
A(nn)o 1573 Anno 1573. Ist M(agister) Caspar Zeituogl (:welcher hernach Doctor Medicináé zu Basel ist worden:) von einem Ehrsamen Rath alhie zu einem Lateinischen Schuelmaisster auffgenummen, vnd hat die Jugent in prosa et ligata oratione, in Graecis et Latinis auffs vleissigist Instituirt [sie!] vnd ist der allererste gewesen, welcher die Jugent von der Papstischen Meß vnd Vesper mit grossen Eifer hat abgeführth vnd wekh gerissen, (:da die Lateinische schuel alhie alle Tag von 8. vhr biß auff 9 vhr zur Meß, vnd von halbe Trey biß auff halb vir vhr zur Vesper gehn S. Michaelis khirchen hat müessen gefürth werden:). Es hat auch ehgedachter Zeituogl (:von Baden burtig ex Austria:) zu ersten die Teutschen Psalmen bei den leichen vnd begrebnissen zu singen angefangen vnd kheinen papstischen Pfaffen darzue <Nem> genumen, da zuuor alzeit Lateinische päpstische Cantiones gesungen worden, vnd sein die papstischen Pfaffen mitgegangen mit liechtern etc. Auff diß ist er Zeitvogl auß betroung des Bischoffs von Rab (6 r ) von etlichen herren alhie (:denen die hofsuppen des bischoffs vnd der pfaffen fast wöchentlich wol geschmeckt hat:) mit großen seuffzern der ganzen schuel bevrlaubt worden. Da er zuuor von einem faisten, Epicurischen Pfaffen vnd Pfarrhern alhie, Wolff Spillinger genandt, auff der gassen vor vil volkhes in das gesicht ist geschlagen worden, vmb das er eine leiche mit Teutschen Euangelischen psalmen mit der schuel zum Grab geglaittet [sie!] hat. Darnach haben dises alle vnd Jede herren im Rath vnd also der Rath müeßen gethan haben, was nuer etliche, wie oben gemeldet, verursacht haben. (6 V ) Afnnjo 1577. Ist ein mechtige Brunst vor Auffahrts Christi [16.05.1577] inn der Schlippergassen gegen A bents 5 Vhr aufgangen, da die ganze goß abwerts biß auf das hauß, so zwischen dem Gässel hienab liegt, allein verblieben, vnd wie man sagt, sey es durch den Windt das Fewer damals angeprochen, das es nit schaden thun können, dann er sein Fach durchaus nit wollen abbrechen lassen, vnd gesagt, das Fewer thue Ihm khein schaden. Wann Er die kunst hat können, Solt Er billich seinen Nachtbar heuser hierdurch auch geholffen haben. Afnnjo 1578. Ist gestorben M(agister) Michael Rustlerus, welcher ein gewaltiger Hebraeus, Graecus, Latinus vnd acutissimus disputator contra Jesuitas et alios gewesen vnd Lateinischer Rector alhie 4 Jahr gewesen.
