Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
Item hat der Bethlehem Gabor sein botschafft zu Prag gehabt, dessen <botscha> begern ir M(aies)t(ä)t vndterschriben, das Nemblich er Bethl < ehern > Gabor fürst in Sibenburgern bleiben vnd wider Vngern nichts feindsaliges fürnemen, vnd dennoch den Türkhen daß seine raichen solle etc. (87*) 1616. Die Venediger haben des fursten Ferdinandi von Gratz land verwußt, verjaukht das volkh, die Khinder inß <Mehr> Meer geworffen, darauff der fürst khriegßvolkh aufnimbt, die Venediger haben dieweil Gradiska belegertt, sehr hinein geschossen, aber der von Trautmanßdorff daselbst einen Paß vnd Perg eingenumen, vnd also sie von der belegerung abgetriben. Auff diß haben die Venediger sich vor Trießt gelegt vnd belegertt. Inmittels hat der fürst den Venedigern 3000 Man abgeschlagen. Ein laib brott in Carndten vnd Crain khost mehr allß ein Cronen anietzo. Maximiiianus soll gubernátor vber Osterreich, Ungarn, Marhern werden: die Osterreichische landtschafft Nimbt auch Khriegßvolkh auff. H(err) Colonitsch hat sich mit Tieffenbach verglichen, ietzo raiset er auß Wien. Die Rath des khaisers haben sich (88 r ) beschwärtt wider den Giesel, das ire ratschleg Nichts gelten, der Giesel ändern es alles, Begeren derwegen Vrlab vom khaiser. Die Ungern wollen kheinen landttag von khaiser gehalten haben, er sei dan selbst zugegen (:dan der Ertzherzog Maximilian Ihnen anstadt deß khaisers ist furgeschlagen worden:), es wäre wider ire Privilégia: Aber der Palatinus vicerex soll einen landtag hallten. Die Venediger vnd fürst Ferdinandt zu Gratz khriegen mit einander, die Venediger haben einen Jesuiter des fursten Peicht Vatter Villerium gehenkht vnd Noch 2 Jesuiter mit ihm. Ein haisser gar Türrer Sommer. Vil dörffer außgebrantt, vil an der ruer gestorben, alhie 2 Prunsten entstanden. Vil Incendiarii hirumb wider gefangen worden. (88 v )
