Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

er Jernhalben Jnne hiet, Vnd begert, [di] Jr dieselben Zeraihen. Darauff Kysch Laslaw mit brieflicher Vrkund ausweist, das sich sein vorfoder, Nyemeth Niclosch, mit <der>selben frawenn potenciana, seiner Swester, Vmb all Jr ansuehen vertragen vnd geaint ist. Hat damit das Recht erlangt, Aber aus güetigkeit Vnd gebete der herrenn des Rats Jst der Frawenn von dem Laslaw gesprochenn fl. III. Vnd derselb Laslaw ist also für sich selbs Vnd anstat seiner hawsfrawen Vnd Jerer kinder Von derselben frawen Potenciana fur sey selbs Vmb all Zuesprüch, anuodrung Vnd hënndel gannts vertragen vnd Zu Ewigen Zeiten geainet, des Zu gedechtnüss Jst es hiejn geschriben. Actum die vtsupra Anno . 1.5.0.3. (03.24.) [78] 141. 1500 März 11 Testament der Kunigunde, Frau des Wolfgang Osterberger; Abmachung zwischen Wolfgang Osterberger und Margaretha, seiner Stieftochter um die Erbschaft und die Zukunft der Erbschaft / Osterberger Farkas feleségének, Kunigundának a végrendelete; Megegyezés Osterberger Farkas és mostohaleánya, Margit között az örökség ügyében, és a hagyaték sorsa Anno domini etc. Jm Fünfhundertistenjare am Mitichen vor Gregory des pabst (1500.03.11.) hab ich, Kunigund, des Ersamen herrenn Wolfgang Osterperger hawswirtin, geordent vnd geschafft meine güeter mit wolbedachtem müet vnd gueter vernufft, Zu der Zeit, da ich es woll gethan mecht, Also das es erst nach meinem töd also stet vnd vnzeprochen peleib, als hernach an dem brieff geschriben stet. item Am Erssten Schaff ich dem Almechtigen Got mein seell Vnd den leib kristenlicher begrebnüss. item Meinem lieben hawswirt ain Jnsetzs, am Khörnmarkh gelegen, mit aller Zugehörung, Vnd ain Viertaill Weingarten auff dem Vnnderen Stain, des Nachher ist her Hanns Jn der Schipergassen, Annderhalben ist nachper der peter Henngst, Jn solher gestallt vnd maynung, das die Zway stukh peyeinander sollen beleiben, Also das ains von dem anderen nit taillt noch verkhawfft soll werden. So sich aber sach gëb oder notdurfft, drüng, die Ze verkhawffen, So soll der [beme] hernach bemelt Jartag darauff beleiben Vnd dauon ausgericht werden. item Mer soll mein hawswirt dauon ausrichten nach meinem Töd ain gannts Jare alle wochen ain Seelambt Vnd Jn dem Jartag Zway Seelambt mit sex Letzen vigili. So vnd das Jar nun für ist, so soll er dauon ainen Ewigen Jartag, alle Quotember Zway Seelambt lassen singen. item Ainen pörlein parten vnd XII Jeuch agker pey dem fuert Zu Sand Michels kirichen. item Meiner Tochter, der Margareten, ainen pörlein parten vnd ainen Weingarten Jm Weytengrundt oder Jm hollesgrunt, Weihen Sy haben will, soll die wall ir seinn. Auch ain Garten, gelegen Jn der Vischergassen, halben vnd der Statschreiberin auch halben, Vnd den taill ausserhalbs graben meinem hawswirt. item Das haws Jn der Stat Vnd ander mein Weingarten, Auch wismäd vnd ägker, halben taill meinem hawswirt Vnd halben taill meiner Tochter, Margareten. Auff dem bemelten haws ist ain Ewiger Jartag von meinen ëelteren geschafft worden Zu allen Khötemberen Zu Sand Michels kirichen LX den., Jn solher mass das gesungen soll werden, drey Letzen vigili vnd ain Seellambt am Sambstag Vor dem khotember Suntag.