Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
des Mert Henngsten Tochter vnd Hannsen khastner, Jerem hawswirt, damit ainhelliklich Ze thainn vnd lassen Trewlich Vnd vngeüerlich. Actum Vtsupra Mert Henngst, Anna, sein hawsfraw Vnd Jr beider Erbenn haben nutzs vnd Gwer Emphangen der obberurten Stükh, So dem Jorg pargünsnit vorbehalden seinn gewesen, die abgethan seinn, die mit khawff von dem benanten Jorg pargünsnit Vmb ain Summ gelts, der Er bezallt ist, an Sy komen ist Ledig vnd frey. Actum am Freitag nach Natiuitatis Marie Anno domini A. 5.OA. {09.10). Tempore Jacobi Erdély Magistri ciuium et Georgy Pawngartner Judicis [62] 115. 1501 Juni 7 Der Stadtrat bewirkt einen Ausgleich zwischen dem Schuster Erhard Schimmel, in Vertretung seiner Frau, und der Witwe des Erhard Peck / A tanács Schimmel Ethard varga (felesége képviseletében) és Peck Erhard özvegye között egyezséget hoz létté Schimel schuester und Erhart Peckin Anno domini 1501 Am Montag Vor Goczleichnambstag (06.07.) haben die herrenn des Rats dem Erharden [pekh] Schymel Schuester, an Stat seiner hawsfrawen, Vnd die Erber frawen Erhardt pekhyn Vmb all Je Zuesprüch, So Sy Zueinander gehabt haben, auff Jr beidertaill gebet vnd begeren entlich vertragen vnd geainet, Wie hernach lawttet. Jtem Zum Ersten ist dem Schymel vnd seiner hawsfrawen frey gesprochen das haws Zwischen her Benesch Vnd Magusch Emrich hewseren gelegen, Doch soll er dem <Andre> pekhenknecht, <des Erhardt pekhen frewndt>, sein Schuld, So er darauff hat, bezallen. Jdem Jst Jm gesprochen ain Weingarten Jm Gawgan Vnd ain Weingarten Jm Angrer. Von demselben soll der Schymel des Erhardt pekhen frewnndt, mit namen Lienndel, So er Zu seinen vogtberen Jaren kümbt, ain Achtaill geben Ledig vnd frey. Ob derselb aber abgienng, Soll Es dem Schymel <vnd seiner hawsfrawen> wider haym gefallen. Jdem die Müll vnd Teicht, Zwischen Khrewczs vnd Gürm gelegen, Jst halbs der Erhardt pekhin frey gesprochen, dami Ze thainn vnd lassen, Vnd halbs Soll Sy es Jr lebtag Jnnhalden pewlich, als leibgeding Recht ist. Ob Sy es aber nit tet, So soll der Schymel vnd sein hawsfraw darzu steen. Auch soll derselb halbtaill nach abgang der Erhardt pekhin bedachtem Schymel vnd seiner hawsfrawen Widerfallen. Jdem Jst der Erhardt pekhin gesprochen frey vnd ledig alle varunde habe. Was aber <von> poting, Schaff vnd anderem Assich verhanden ist, Soll Sy etwas aus guetem willen mit dem Schymel tailen. [Actum die et Anno vtsupra] Mer sein der Erhardt pekhin frey vnd ledig Zuegesprochen all Weingärten, die Sy dem Erhardt pekhen Züebracht Vnd die Er vmb sein geeilt gefreit vnd gelüsst hat, damit Zethainn vnd Ze lassen alles vngeüerlich. Welher taill solh bericht vnd ainigung nit hiellt, Jst gemeiner Stat vnnachleslich verfallen Zwayunddreyssig phünt phenning. Actum die et Anno vtsupra Jtem Erhardt Schymel, Margaretha, sein hawsfraw, haben Anndre pekhen Jr Schuld, So Sy Jm auff dem haws gewesen seinn, XX tal. den. gentzigklich bezallt Vnd seinn hiemit Quittirt. Actum Montag vor Thome Anno .1.5.0.3. (12.18.)
