Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
baiden partheyen begab, Seinn obgedacht herrenn des Rats mit Zeitlicher erlösung geursacht /Angesehen, das berürt sueher die guet eruoderten/ baid taill guetlich Züüerainen Vnd aufF baider taill vleissig gebeth genncziklich vertragen, Wie hernach volget. Jtem vmb all Zuespruch vnd anuodrung, Geschefft vnd Erbtaill, Wie die Sein, nichts gesonndert noch ausgenömen, So benant n. Khisling Vnd n. Funkh, an Stat Jerer hawsfrawen, Vnd Steffan Stainer für sich selbs Zu obgedachtem kholbath Hannsen von wegen Junkhfraw Marthe, Virichs Stainer Töchter gehabt haben vnd gewynnen hieten mügen, Trewlich vnd vngeüerlich Soll Jn kholbath Hanns erlegen vnd beZallen Zwischen hewt Acto des Vnd von Sand Mertentag nagstkunftig vber ain Jar (1500.11.11.) fl. I 1/2C vngrisch Zu geleichen Wegsei. Vnd seinn also Zu gueten frewnndten gemacht, Auch kholbaten Hannsen alle seine güeter, So er von seiner hawsfrawen Vnd Jerer Töchter, Martha seligen, besiezt vnd Jnnhaldt, hiemit frey gesagt. Welher taill aber disen Spruch vnd ainigung Weyter in vngueten äfriet oder widerredt, Jst seiner herschafft, darunder er siczlich ist, Zu peen verfallen L fl. vngrisch, Vnd soll dennoch Jn obgeschribner Ainigung beleiben. Des Zu Ewiger gedechtnuss vnd bestät haben es die herrenn Jn das gegenwirtig Jr gedennkhbuch lassen Schreiben. Actum die et Anno vtsupra [54] 98. 1500 Juli 8 Der Ratsbürger Jakob Siebenbürger legt Rechnung vor dem Stadttat als Kirchenmeistet der Stadtpfarrkirche St. Michael / Siebenbütger Jakab belső tanácsos mint a Szt. Mihály plébániatemplom gondnoka elszámol a tanács előtt Anno domini Jm Fünfzehenhundertisten Jare am Mitichen Sand Kilianstag (1500.07.08.) hat der Ersam, Weis Jacob Sübenburger, die Zeyt des Rats vnd kirichmeister Sand Michels pharrkirichen der Stat Zu Ödenburg, Von allem Einnemen vnd Ausgeben, So er von seiner Vorigen Rayttümb /darüber er vormalens in dem puch Quittirt ist/ [ge] Vnczther <als kirichmeisteo gethan hat, ganneze, volkömmene, aufrichtige Rayttümb gethan. Vnd ist Jm die kirichen nach Niderlegen vnd aufheben hinaus Schuldig worden X tal. VII sol. vnd III 1/2 den. Vnd Er ist hiemit Vber sein Rayttümb ganezs Quittirt Vngeüerlich. Actum die Et Anno Vtsupra. Solh restât hat her michel yban herr Jacoben Auff dem Rotthawß von Wegen Sannt michels betzalt Jm Anfang, Als Jm daz kirchmaister Ampt Zu verwallten beuolhen worden Anno etc. Zum Aindlifften (1511) 99. 1500 Juli 8 Der Stadttat wählt den Ratsbürger Martin Sighart zum Kirchenmeister der Stadtpfarrkirche St. Michael / A tanács Sighart Márton belső tanácsost a Szt. Mihály plébániatemplom gondnokává választja Eodem die et Anno, videlicet feria quarta die Kiliani (1500.07.08.) haben die herrenn des Rats besamentlich, von Münd Ze Münd Erlöst Vnd den Ersamen, Weisenn herrn Mertin Sighart, auch diezeit des Rats, Zu Einem kirichmeister der obgeschriben Sand Michels pharrkirichen erweit vnd geseczt,Vnd Jm dasselb kirichmeisterambt mit allen den güeteren, Nützen vnd Rennten, So Zu der kirichen gehören, auff sein Seell vnd Gewissen vertrawt vnd Eingegeben.
