Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
vnnd an vordrung khainen der ausgenomen So sy bizher auf hewtigen tag zu einander gehabt habm oder gehabt hieten mögen ganncz vndgar veraint verricht vnnd vertragen sein, Weiher tail aber aus sölher veraynigung träte der volligklich nicht nach kham In vil oder wenig mit warten oder mit werchen da wider thun [wurde] das wissentlich gemacht wurde, Der selb tail sol alsdann seiner Herschafft dar vnnder er Seßhafft ist XXXII tal. wienner den. landeswerung in Ossterrich vnNachleßlich zu peen zu Geben verfallen sein, vnnd sol Dannoch für vnd für bei sölher vorgeschribner Bericht Spruch vnd veraynigung genczlichen Beleiben vnd nachgangen werdenn an all ausflücht vnnd verrer eintrag Geistlicher vnd weltlicher rechten treulich vnnd vngeuerlich Actum Anno et die vtsupra Item bei dem obgeschribm Spruch seinn auch gewesen n. Tuscher dieczeit Burgermeister in der Eysneinstat, Cristof herczenhaimer, vnd n. khornthewr all Burger da selbs zu der Eysneinstat [30] 52. 1495 August 28 Der Stadtrat verkauft das Haus des Krabat / A tanács eladja Krabat házát Anno domini millesimo quadringentesimo Nonagesimoquinto habem dy herrenn verkaufft des krabaten Haws In Sannd Gorgnn <Gassnn> gelegenn Dem Erberen man Zymper hannsen vmb Newnzig gulden vngrisch In solhem Formen vnnd massen das der vorbenant Zymper hanns zwm nagstkunfftigenn Quottember der weinnachtenn (1495.12,16.) vnuerzogenlich den herrenn raichenn vnnd bezallenn <sol> dritthalbem vnd zwainczig gulden vngrisch vnnd aber vber ainen quottember (1496.02.24., 05-25., 09-21.) souil byss vollenn das Iar auf Sannd michels tag (09.29.) dy obgemelt Summa gulden dem herrenn bezalt vnd verricht werden Actum Anno et die vtsupra feria sexta ante Egidy (1495-08.28.) [31; 32] 53. 1495 Dezember 2 Der Spitalmeister Georg Baumgartner legt Rechnung vor dem Stadtrat; der neue Spitalmeister übernimmt das Inventar des Spitals / Baumgattner György ispotálygondnok elszámol a tanács előtt; az új ispotálygondnok átveszi az ispotály leltárát Spital Anno domini Millesimo quadringentesimo Nonagesimoquinto hat Raittung than vor Ratt vnd gemainn der Ersam her Gorg von pawngarten von allem vnnd yeden In nemen vnd ausgebem Gemainer stat Spital vnnd ist dem Spital nichts schuldig Sunder alles quat vnd quit allerding ausgericht actum Am mitichenn vor Barbare Anno vtsupra (1495.12.02.) item vermerkt was der new spitalmaister enphangenn <hat>, So er das ambt des spitals hat eingenomen Anno domini etc. In 9V (1495) item Zw Erstenn hat man Im eingeantwurdt IUI ochsen zu zegch vnd III Jung ochsen, I Ross I Stier, VII kchüe, I kalbern, VI Schoff, XVI Saw klainn vnd gross item II beschlagenn wagenn mit aller zuegehorung, II presen mit iren zugehorung I grasse vberwerffpoting vnd mer II ander poting II tredschaff II traidmetzen vnd mer I metzenn gehört zu der press [I]I holczhakchenn ainn wagenketten vnd ainn phlueg mit seiner zugehorung, vnd ainn Eysneme ärenn, bey IUI metzenn arbais bei VI metzenn
