Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
vnd garr peczaltt seyns solds vnd Zinczen vnd peleybt gemayner schtat ledikchlich schulldig LXXXXIIII gulden] 9. 1494 März 3 Jakob Pilsner und Michael Tanpeck versöhnen sich vor dem Stadtrat / Pilsner Jakab és Tanpeck Mihály kibékülnek a tanács előtt Anno domini etc. am Montag nach Suntag Oculi Jnder vastenn (1494.03.03.) Sein komén fur dy herrenn Jacob pylsner vnnd Michel Tanpekch von wegen, ainer geltschuldt vnnd Zwitracht etc. Habem sew dy herrn mit ir paider gueter willenn veraint vnnd verlieht Jn solher beschayhait Das der vorbenant Michel Tanpekch dem Jacobem vnnd seiner hawsfraw, von dem Suntag letare inder vastenn (03.09.), drew Jar Nachainander kunfftig von wegenn der SybnnVnndNewnczig gulden So Jm Michel tanpekch dem Jacobenn Jn ainer Redlichenn Raittung schuldig warden ist, Jn yeczlicher Jars frisst, bezallenn vnd entrichten soll, ander vorbenanten Summa gulden an all aufzug vnnd widersprechenn, albeg den drittenntail beraitte Zalung mit gulden oder Souil gelts wer aber solhs nicht hielt vnnd vberfur der ist den herrenn Zu der Statmawr an alle gnad veruallenn Z(w)ayundreissig phundt den. Actum Am Suntag letare Zu mitvasten Anno domini etc. Jm 9IIII-0 (1494.03.09.) 10. 1494 Juli 11 Jakob Siebenbürger bezahlt dem Stadtrat die Schuld des verstorbenen Valentin Alföldi / Siebenbürger Jakab megfizeti a tanácsnak az elhalt Alföldi Bálint adósságát Anno domini an Freitag vor sannd Margrethen tag (1494.07.11.) hat Jacob Subenburger die funfezig Guidein vngrisch, so Jm weilend Alfewldi wälind seliger, Geliehen hat, meinen herrnn, an der schuld so der wenant alfeuldi wälind gemeiner stat schuldig weliben ist, auf dem Rathaus mit vngrischer Münss weczallt, Vnnd seinn Nw die herrenn, ob Jacob Sumburger von des alfewldi wälind freuntschafft wer der war angelangt oder angesprochen [wurd], oder darumb verboten vnnd aufgehalten würd seiner <herren> vnnd verstant fur allenn Schaden Actum [auf] Vtsupra LXXXXIIII [5; 6-10] 11. 1492 Juni 4 Hinterlassene Fahrhabe des verstotbenen Herzog und seiner verstorbenen Frau / Az elhalt Herzog és elhalt felesége ingóságai [Item Vermerchkt hie nach weilennd des Herczogen vnnd seiner hausfraun seligen gelassen varundgut, so die andreaschin oder mert laknerin Jnn hat, actum an montag nach Erasmi anno domini etc. LXXXXII-do] (1492.06.04.) [Jtem ain Silbreins Ringel, item czwo czinnen Pintkandel, ain Seyttelkendel, V löffei item VII Strenn heniffens Rupfens Garnn, II weihisch new hauben item Zwen drifachtig allt schlair vnnd ainen fünfvachtigen Glatawer, II weihisch prustphaiten, vnd ain weihische oberphait, item II Reisten, vnd ain Ruphene Seidelphait, item II weihisch Ermel, item II alte leilachen vnd II hannttücher item ain Newe polstercziehen, item ainen Grüenn Rok gemeyns tuch item ain Tunkelplaber mantel, item ain praunr Mantel, ain News gleisteins leilachen ain Reystene oberphait, ain alts tischtuch, II leilachen vnd ain plasen korezen II
