Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
wären Sy des genennts baid obgemelt tail miteinannder in die guete, Freundlich vnd guetlich Zuuergleichen. Darjnn gericht der partheien Volg erlanngt Vnd demnach die klagerin vnd gedachter michel Jban antwurter die Sachen mit Hand vnd mund ZuHanden geben vnd dem gericht Wilkörlich Haimbgestellt. Jst der Frauen clementin vmb vnd fur obbestimbte Summa gellts Jr austendige schuld, auch fur expens vnd schaden, deshalben emphangen, von Dem michel Jban Funfftzigkh Hungrisch gulden, den guldin Zu Zehen Schilling gezellt, gesprochen worden. Also das er Jr an Heut dato die XXV Hungrisch gulden Vnd auf schirist künftigen sand Merten tag {1529.11.11.) ditz gegenburtigen Jars, die andern XXV Hungrisch gulden bezallen vnd ausrichten, vnd sullen hiemit baid obgemelt partheien, Jr erben vnd Zuegwandten der LXXVIII gulden sambt allen aufgeloffen schaden miteinander auf ain gants Stats ende vergleicht, veraint, vertragen, vnd kain tail Zu Dem andern derhalben in Ewig Zeir nichts mer Zeclagen, Zesuechen noch Zusprechen haben in kain weis Vngeuarlich. Actum auf dem Rathauss daselbst Anno et die quibus Supra [271] 367. 1529 Mai 11 Testament des Hans Hunger / Hunger János végrendelete Testament Caschauers Vetter, Hanns Hunger item Am ersten schaff Jch got vnd dem Heiligen ertzengel sand michel mein arme Seel. item Am Ersten ist mir schuldig mein Ohaim, der Caschauer, 39 tal. den., das vermain ich meiner Hausfrauen. item Zumb [Dritten] Andern Zween Weingarten im Durlaß, ist ir morgengab. Zumb dritten ist ain wisen auf dem potscha, mit grundt vnd poden meiner Hausfrauen. item Drey Jeuch ägkher Bei wanndorffer khreutz, ist Jr morgengab. item Denn weingarten in dem sauprunn schaff ich meiner hausfrauen, ledig vnd frei. item Ain wisen vnderhalb kolbmHof, ain Halbe wisen, ledig vnd frei. item Was mer Vbrig ist, das sol den freundten Haimb Khommen. Jr Ersamen, Weisen Herren vnd Väter Jch pitt eur weishait durch gotzwillen, das Jr mir das also wolt bestatten Vnd halten, Wenn ich habs getreu bei guter Vernunfft, dabei ist gewesen michel hamer, Bernhart Wentzl, Wolfgang Hafner, das ist mein begeren gewesen. Ditz obgemelt testament ist nach Verlesung durch Caschauer widerSprochen worden, Vnd nachmalen ain ersamer Rat auf ZeHandengeben der witib vnd gedachtes caschauers erlöst, das ditz geschafft bei seinen crefften sol beleiben. Angesehen, das dasselb gut ledig vnd frei sein <des testator> ist gewesen, doch das die morgengab der frauen vermaint, nach Jrem tod der freundschafft sol wider Haimb fallen ledig vnd frei. Vnd die andern erbstugkh, so Jr durch Jrem Hauswirt ledig vnd frei geschafft, Sollen Jr vnd Jren erben ledig vnd frei beleiben, damit thun vnd lassen, wie sy verlust. Vnd der 39 tal. den. schuld, deren caschauer nit gar gestanden, dafür sol der caschauer der witiben XII tal. den. geben vnd sollen also miteinannder gericht vnd Vertragen sein, also stet es in der heren gedenckhpuech. Actum montag (vor) seruacy Anno 1529 {05.11.). Sub Magistratibus christoforo grätzer et paülo schützner [272]
