Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
321. 1522 Januar 31 Lasla Pauer schuldet Hans Marb, dem Verwalter des Nürnberger Kaufmannes Schmidmer 100 Rheinische Gulden um Tuch / Pauer László egy poszróvásárlás miatt Marb Jánosnak, Schmidmer nürnbergi kereskedő megbízottjának, 100 rajnai forinttal tartozik 1 5 2 2 Hannsen Marbms Hanndlung contra Lasla Bawern [Jch, Lasla Bawer, mirburger Zu Ödenburg, vnd ich, Benigna, sein eeliche hawsfraw, Bekhennen Vnuerschaidenlich miteinannder für Vnns, Vnnser Erben vnd nachchomen, das wir dem Erbern Hannsen Marbm, der Schmidmer vnd Jrer mituerwanndten von Nürmberg dienner, ain Hundert guldin Reinisch vmb tuech schuldig worden seinn, Die wir Jme Zu fristen vnd tagen, so verschinen sein sollen, bezallt haben nach Lautt der Schuldbriefe, dorumben ausganngen, das aber bisher nir beschehen. Demnach vnns gemellter Marb von wegen vnd in Nomen seiner herrn vmb berürte gelltschuld vmb vnnserer vleissigen gebett willen vnd in ansehung vnnser erliten schaden, darein wir khomen, noch dise freundtschaft gethon, Vnd Vnns ferrer sölh obgemellte summa gulden auf die Hernachbenannten tag vnd frist Zubezallen gelassen, Das wir, gemellte Zway khanlewt, egenanntem Marbem nach Dato Dits Briefs von schirist khönfftigen phingsten (1522.06.08.) vber ain ganntz Jar Zehen phünt phennig an berürter gelltschuld gen Wienn Raichen vnd ausrichten sollen, Darnach Die nagsten Jar nacheinannder, nach dato des Briefs khomend, nemblichen Zehen phunt phennig auf bestimbten phingstag on all ferrer Widerredt vnd auszug Zubezallen, bissolanng wir obangetzaigte summa gar Vnd ganntz, on allen abganng vnd schaden, obgemellter schmidmer völligclich bezallt haben. Weihe Zallung sich dann Jm Zwayunddreissigisten Jar der minndern Jarzall nach Christi geburt Vollennden wirdet. Vnd des Zu pesserer sicherhait haben wir genannten schmidmern vmb bemellte schuld in craft dits Briefs Zun Rechtem fürphanndt hiemit verschriben den Dritten tayll vnserer Behausung, die weylennd Gaspar khramer, Vnnser lieber swëher vnd vater seiger, hinder sein gelassen, Zwischen herrn Micheln Puelndorffer vnd steffans Pinther hewsern gelegen. Jn solher beschaidenhait, wo wir Sy, die schmidmer, der vorgeschriben Summa gellts Jedes Jars obberürter fristen nicht bezallten, sonnder Jnen nur mit ainer verzigen, so sollen alsdann al nachuolgend fristen oncrefftig, tod vnd ab sein. Vnd mügen darauff gemellter Marb oder Annder [235] < 1522> der schmidmer Gwallttrager, auf obangetzaigten drittail hawß on alle Rechtuertigung oder einschätzung greiffen, sich der aussteennden Jrer gelltschulden mir versetzen, verkhauffen, hanndln, thun vnd lassen, dorauß selbs gänntzlichen Zubezallen, Darwider wir kainerlay gebrauch, herrn freinait noch behelffs, wie solhs menschen synn erdenngkhen möchten, geniessen, sonnder wellen Vnns derselben hierjnn gënntzlich begeben vnd verzigen, haben alles trewlich, on geuär. Vnd des Zu merer gezeugnüß haben wir vorgenannte Zway kanlewt mit vleiß erbeten die Ersamen, weisen herrn Micheln Puelndorffer, petern vischer, Wolffganngen Haller vnd veiten täbrer Ratsburger vnd burger Zu Ödenburg, das sy disen vertrag Zwischen Vnnser hab besliessen vnd aufrichten helffen, der also von wort Zu wort in das statbüech Zu Ödenburg auf vnnser, bedeer Chanlewt begern vnd bewilligen verfasst vnd eingeschriben ist. Beschehen Zu Zeitn der Ersamen, weisen Christoffen Grätzers Burgermaister Vnd Barteime Ofners statrichter der stat Ödenburg, an freitag nächst nach sand pauls tag seiner Bekherüng Anno etc. im XXII-sten] (1522.01.31.)
