Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
Jtem Des hörepeken kynnder ist gesprochen der weingartten Scheihen, Wie er mit Rain Vmbfanngen ist, Vnd einer Junckfrauen, der Horapeckyn thochter, Von der luncerin Verlassen hab Rock, mantel, schlayer vnd I gerichts pett. Dy greiften sol herr peter /nach dem Er Etwas hinein gelegt hatt/ Zway lesen Vexen Vnnd darnach sol sy Dem Zirfus Schaden vnd seinen Erben nachuolgen. DEr Weyttengrundt sol der Wolfgang schuesterin kynnder haymfallen /als leibgeding recht ist/, Dorauf soll ain liecht gehalten werden Wieuor etc. Das krumbp mensch sol herr peter an alle widerredt vmb iren lidlan Vnnd gelihen geldt auf das fuederlichest abfertigenn etc. Actum beschehen an Mantag nach pangracy Anno etc. 15 2 0 (05.14.). Zu den Zeytten Burgermayster herr Cristan grëtzer Vnnd Richter Mertt Sighartt etc. 302. 1525 Juni 23 Ausführung des Beschlusses des Stadtrates / Egy tanácsi határozat végrehajtása Obgeschriben Spruch vnd entschied hat genannter her peter Lanng vnd sein Brueder gannts volzogen Vnd ausgericht, actum Freitag vor Johannis baptiste anno 1 5 2 5 (06.23.), tempore michaelis Jban Magistriciuium, Casper kolb Judicis [213; 214] 303. 1520 September 29 Beschluß des Stadtrates über das Benefiziatenhaus genannt Alter Pfarrhof / A tanács határozata a volt plébánia nevű javadalmas házról 1 5 2 0 Von wegen herrn dementen Wir, burgermayster, Richter vnd Ratt Zu Edennburg Bekennen, Nach dem Vormallen ain bénéficiât des beneficio an dy schuel ain gebrauch Jn dem keller des beneficy hauß, alten pfarrhoff genannt, So ietz der Wirdig herr Clement knöpf besitzt, gehabt, Auch gedachter herr Clement Zum teyl auf den grundt, so gemeltem beneficio an dy schuel Zugehörtt, gebawet, Das Wir mit willen Vnd Zugeben angezaygtes herren dementen vnd seiner widerpartheyen, angezaygter sprüch halben, ainen vertrag Vnd ainigkeytt, als patronén, gemacht. Nemlich, das herr Clement für al Spruch Vnnd anfordrung Zu dem paw obm gemeltem beneficio an dy schuel fünfvndzwain[tig]tzig pfunndt pfenning geben vnd Raichen soll. Dy weil aber nun solchem vnnserem Vertrag Vnd spruch gelebt vnd benuegen beschehen, Vnd Zu dem paw dem beneficio an der schuel geraychet, Sagen Wir mer gedachten herren dementen angezaygter suma gelts /inhalt vnnsers Spruchs/ frey, quit, ledig vnd loß. Darumb sollen auch füran gegebürtiger Vnd künftig beneficiaten /des beneficio an dy schuel/ angezaygter sprüch halben Zu mergemeltem herren dementen, noch Zu allen seinen nachkumen, /in Ewig zeytt/ kain fordrung, klag suechen noch gewynnen, sonnder dy angezaygt hanndlung ganntz Veraint, Vertragen Vnd Zu fridt gesetzt sein, arglist Vnd geuerede hierin ausgeschlossen, geben Zu Edennburg am quottemer mitwoch Vor mathei Vnntter vnnserem statt betschier nach Cristi gepurdt 1 5 2 0 (09.29.) [215; 216]
