Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
ainer pfrüenndt Versehenn, Erkrannkett, Das Er Einen Ersamen Ratt, Jn auszehaldenn, mit [T] dem Titel nit Ermane, Sonnder Angezaygter Wagnner Jörg seinen angezaygten Sun, paul, mitsambt der frewnnschaft <selbs> aushaldenn Vnnd Versehenn sollenn. Solches Zethun mergemelter wagnner Jörg vnd sein sun, paul, angenomen Vnnd also Zehaldenn angelobt Vnd versprochen. Actum an mitwoch marie concepcionis abent Anno etc. XVIIII {1519.12.07.). DEr Zeytt Cristan Vleischagker burgermayster Vnnd Sighartt Mertt Statrichter [191; 192] 292. 1519 Dezember 23 Benedikt Borsch kauft einen Garten und eine Wiese / Botsch Benedek kertet és rétet vásárol 15 19 [Porsch Benedictus hatt Nutz vnd gwer aines Odenn Viertel Weingartten, Jm kranperg gelegen, So Er Von herr Erhartten, beneficiaten sannd Anna, gekauft, Empfanngen. Actum an freitag nach Thome appostoli Anno 15 19 (12.23.). Zu denn Zeytten Cristan Vleischagker burgermaister Vnnd Sighartt mertt Stattrichter etc.] Jdem Pörisch Benedigt <hatt> Nutz Vnd gwer <aines> gartten vnd wisen, [Jn Vischergassen] bey der Schlipergassen gelegen, So Er Vonn Jacob Behem [Empfanngen] gekauft, Empfanngen. Actum an freyrag nach thome appostoli Anno 15 19 (12.23.), der zeitt burgermayster Cristan Vleischagker Vnd Sighartt mertt Statrichter etc. [193; 194] 293. 1520 Januar 2 Der Stadtrat schlichtet einen Erbstteit zwischen Christoph Schwarzentaler und dem Kreuzherrn in der Odenburger St. Johannskapelle / A tanács egyezséget hoz létre Schwarzentaler Kristóf és a soproni Szt. János kápolna ketesztese közti örökösödési ügyben Englisch Weingarten II virtl geschafft 15 [3] 20 Oswolt bleswëter seliger Hatt geschaffn II Virtel Weingartten, Jm Englusen gelegen, Zu sanndt Johanns kirchen, daruon sol man lesen vnd ausrichten Wochenlich Zwo meß Vnd mein liebe hawsfraw sol haben vsufructum Vnd den genieß Jr leben lanngk. Wo sie aber mit thodt abgieng, oder dy Zway Virtel Weingartten nit möcht Pewlich halten, sollen als dann bemelte II Virtel genntzlich, an menigklichs widerredenn, der kirchen Zu Sankt Johanns heeymfallen, Doch das man, Wie obesrymbt, dy Zwo messen Wochenlich Enndtricht etc. Solcher angezaygter Zwayer messen halben Zelesen, Hatt sich Jrrumg Zwischen Herren Steffan, krewtzherren Zu Sanndt Johanns, ains, Vnnd Cristoff schwarzentaler, <ietz> der blëswëtrin man, Anndersteyls, gehaltenn, Wölcher Jrrung vnd [sprech] pruch dy partheyen Einem Ersamen Radt, was der darauß macht, aufgeben. Darauf gesprochen, Das gedachter bleswetter vnd sein Weyb für das verganngen meslesen IUI tal. den. geben sol Vnd furan Von den Zwayen messen [V den.] V tal. den. Jerlich gegeben, dy aus sol gelesen werden an montag Von den seien, dy annder am freytag Von dem leydten Cristi, vnd darnach, wie Jm Testament begriffen, sanndt Johanns haymfallen. Actum an montag nach dem Newen Jar Anno etc. XX (1520.01.02.), der Zeytt Cristoff vleischagker burgermayster vnd Sighartt mertt Statrichter etc. [195; 196-197]
