Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
bezallen vnndt dy geltschuld, so man Jrm hawswirdt seligen schuldig, so auch dargegenn Einemen Vnnd dy Erb guetter /als nemlich das hawss bey dem thor, ain Jnsetz bey dem korenn margk, mit aller Jerer Zugehörung, ain Weingartten Jm mierenfridt, Ain Weingartten Jm Weittengrunndt, Zwenn Weingartten Jm gawgann, Ain Wisenn, so Vom mert kramer gekaw(ff)tt, Ein Wisenn, so Vonn Wolfganng schuester Herkumenn/, <ain kestenn gartten, gelegen obem am Waldt, Entwerch für dy annderen> Soll sy Jr lebtag besitzenn. DEnn Halbenn teyll mag sy versetzenn, verkawffenn, Vergebenn, Verschaffenn etc. DEnn annderenn Halbenn teyll Soll sy weder verkumerenn, berkawffenn noch verserzenn mögenn, sonnder beylich vnnd wesennlich haldenn. Dann, Wo es nit beschech, Wurd man darein sehenn, /darmit dy stuck nit Jnn abgang kumenn/, Wie sich geburett. Vnndt nach dem todt Sollenn Angezaygt Halb Erbgutter auf denn briester Herrenn Hannsenn vnnd sein swester /oben gemeldet/ vnnd awff Jre erbenn frey, ledigklich Vallenn, actum an freytag nach Bartholomei Anno etc. Jm XVIII (1518.08.27.), Zu denn Zeyttenn Herren michel yban burgermeyster Vnnd fleischacker peter Richter etc. [181] 284.2. 1518 August 27 15 18 anfordrung an Katherina pläsweterin, di nachmals christoffen swartzntaller gehabt Nach dem Herr Hanns bleswetter, dy Zeytt prediger Zw Newkirchenn. vnnd margreth, sein swester, Spruch Vnnd Vordrung Zu khaterina, Ettwan Verlassene [Verlassene] Wittib Oswoldt blëswetters sëligenn, Jres Vetterlichenn Erbe gutt gehabt, Vnnd dy sachenn /nach genugsamblicher Verhör/ Vonn beydenn teylenn Einem Ersamen Radt güttigklich, Darin Enndtlich Zehanndelenn Vnnd Zesprechenn frey aufgebenn, Hatt Ein Ersamer Radt nach vleissiger Erwegüng der sachenn Enndtlich gesprochenn, Das obem gedachte Wittib Obemeltem Herren Hannsenn Vnnd seiner swester für all vetterlich Vordrung Vnnd anspruch Zwayundreyssig pfundt pfenning Jn dreyenn Vierzechenn tagen Raychenn Vnnd geben, Darzu dy swester mit lieberlicher abfertigung Zu heyratt fertigenn Vnnd Versehenn. Actum an freytag nach bartholomei Anno etc. XVIII (1518.08.27.). Zu den n Zeyttenn Herr michel yban burgermeyster vnnd fleischacker peter Richter etc. Nach dem sich Von aines kestengartten <wegen> Zwitracht Zwischen Herren Raphael Schottel, pfarrer Zu Vnnser frauen, vnd Herren Hannsen bleswetter vnd seiner [Er] miterben begeben, deshalben Vor Vnns Jm Recht gestannden. Jst auf bayder partheyem begeren Mit vrtel Erkannt, Das ongezaygter kestengartten bemeltem Bleswetter Vnnd seinen miterben Zusten, volgen Vnd beleiben soll etc. [182] 285. 1519 Mai 16 Der Benefiziat Pongratz Frank aus Klingenbach kauft ein Haus in der Fischergasse / A kelénpataki Frank Pongrác beneficiátus házat vásárol a Halászok utcájában 15 19 [Herr Pangretz frannck von klynngennpach, beneficiar hie, Hatt kawfFt ain <egkt>hawsslein In der Vischergassenn, bey dem gësslein, So man gen sanndt michel gett, Von Herren Wolfgang Wëtzer, dy Zeytt pfarrer Im Spital, der hatt hawptgutt II 1/2 tal. den. vnd
