Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
Ratt khomen Vnd begert Ratt vnd hilff, Damitt sy solher geltschulden an ain enndt kernen, Dann die Zubeczalen Jn Jren Vermögen nicht Weren. AufF solhs haben die heren [Danngknemen] mit Jr bayder angenomen Danngknemen gefallen, Jr Ain Summ gelts daran nachfolgen lassen Vnd sich solh geltschulden Zubeczalen Vnnderstannden Vnd das hawß gemainer Statt angenomen. Actum mittichen vor purificationis Marie Anno etc. 15 14 (02.01.). Tempore Michahelis Yban Magistriciuium et oßbaldi pleßbetter Judicis 248. 1514 Januar 27 Der Stadtrat schlichtet den Erbstreit zwischen Stefan Gugler von Mörbisch anstatt seiner Frau, Tochter des verstorbenen Bruders von Michael Nesslinger und Michael Nesslinger / A tanács elrendezi a meggyesi Gugler István (felesége képviseletében, aki Nesslinget Mihály elhunyt fivétének a leánya) és Nesslinger Mihály közti örökösödési vitát Zewissen, als Steffan gugler von Medwisch, An Statt Seiner hawsfrawen, Des Michelin von Nessling prueder säligen tochter, Wölh, der gedacht Michel, Von kindhait awff mit Jrem Zugeburenden [Jrs] vätterlichen Eribtayl Jnngehapt vnd vergerhapt hatt, Von wegen sölhen Jrs Eribtayls, Auch Jrer Dienst halb <vnd mer Ains Weingarten, so gedachter michel, Als gugler gesagt, seinz ledigen prüder saligen vermaint solt haben, Jtem Auch seiner StiefFmutter verlassen gutlins halb Vnd anders, so daczumal bestimpt vnd fur pracht worden vnd den heren gutt eingedengkh> Vordrung vnd ansuechen gehapt. Vnd vermain Wollen, Das Er seiner hawsfrawen pillichen mer schuldig Zuthun, Dan Er Jr geraicht vnd geben hiett. Vnd Nach genügsamer Verhöre Den heren des Rars die sach Zuhannden geben, Was Ain Ersamer Rat Darawß macht, Dar pey sols vngewaigert pleyben. Darauff haben die herren erkennt vnd gesprochen, Das Michell von Neßling seiner maumen, des guglers hawsfrawen, noch sechs pfundt pfennig, Vber das er Jr vor geraicht, beczalen Vnd geben soll, Das er dann des vierzehenndtisten tag Nach solcher erkanntnus Jr Awßgericht hatt. Darauff soll Sy solhen Jrs Vätterlichen eribtayls, Auch Jrer dinst <vnd anders, wie vorbstimpt>, Von gemelltem Michel, Jrem Vetter, gantz vnd gar verricht vnd vergnuegt sein Vnd verrer noch An Jnn, noch an sein erben nichts <deshalb> Zuuorderen haben. Actum freytag nach pauli bekörung Anno domini .1514.(01.27.). Tempore Michahelis Yban Magistriciuium et Oßbaldi pleßbetter Judicis [149] 249. Der Decker aus Agendorf wird wegen des Streites mit seinem Pfarrer bestraft / Az ágfalvi tetőfedőt plébánosával folytatott vitája miatt megbüntetik Zemergkhen, Von wegen der Auffrur vnd Zwytrecht Zwyschen pfarrer vnd dem degker Von Agenndorff, darum degker Jn der herren Straff gedyhen, Haben Die heren Jm Von solh [Jr Vb] sein Vbertrettung Zway vnd dreysig pfundt X fl. Auffgesetz Vnd Verrer pey dreyssig pfundt pfennig der Sachen halben mit dem pfarrer mit wordten Vnd wergkhen frid vnd ainigkayt Zuhalten beuolhen vnd gepotten
