Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

gotswillen angelegt sollen werden. Vnd mer soll der glacz vmm sein verwarlosung oder vnfursichtigkayt heren panngraczen Vnd der freundt mit guetten gaistlichen Vnd weltlichen lewtten Vmb gotswillen Abbitten Vnd her panngracz vnd die freundtschafft Jm sölhs vmb gots Willen Verzeyhen Vnnd Alle sach tod vnd absein, Vnd <kain> tayl Jn Vnguett Dem Annderen sölhs hinfüro gedenngkhen, Sonnder Allennthalben guett freundtschafft Sein Vnd pleyben 244. 1513 August 26 Ein Lebzelter zahlt dem Stadtrat Geldbeträge nach seinem Haus und wird in die Krämerzeche aufgenommen / Egy bábsütő a háza után lefizet egy összeget a tanácsnak, majd felveszik a kalmárok céhébe item Leczelter Hatt erlegt an seinem hawß erlegt X. tal. den. Actum freytag Nach Bartholomei Anno etc. XIII-o {1513.08.26.), hatt her Jacob Behem die viere vnd der Burgermayster die .6. tal. genommen item Freytag nach Jnuocauit Anno etc. XIIII-o (1514.03-10.) hat Lezelter mer erlegt .X. tal. den., haben die Kramer Jn Jr Zech empfangen [146] 245. 1514 Januar 11 Der Stadtrat schlichtet den Streit zwischen den Hutern von St. Ulrich und dem Odenburger Hutter Salomon / A tanács elrendezi a vitát a St. Ulrichba lakó kalaposok és a soproni Hutter Salamon között item Zemergkhen, Das die Sach Zwyschen den huetteren von Sannt [Vlrech] Vlrich vnd Salamon, huetter Alhie, AufF paydertayl bewilligen vnd begeren Was die heren des Rats deßhalb Jn der gvet machen vnd erkennen, demselben soll also nachkhommen vnd gehalten werden vnd Also entschayden, veraint vnd betragen ist. Am ersten hatt Salamon huetter mit Auffgerögktem geswornenn Ayd sich verpflicht, Das Er solh Vangknus Wöder mit wortten, Wergkhen, Zu Ebigen Zeyten, Jn klain noch grossem, wöder Durch sich selbs, noch yemants Annderen von seinen wegenn, wöder gögen den heren Des Rats genannter Statt, Jren verwandten, noch den huettern, Jren verwandten, noch Jrem gutt, nitt rechhen, noch äferen wöll, Sonnder der halb Ain War, Auffrecht Vrfehdt Zu Ebigen Zeytten hallten. Wo Aber änderst an Jm erfunden vnd er darüber betrettenn, so soll vnd mag Zu Jm griffen vnd gericht werden, wie Zu ainem Vergössen seiner trew vnd Ayds nach Ordnung der Recht gepurt, Daruor Jnn nit Schützen, Schyrmen soll kain freyhayt, noch glayt etc. Für das Ander Sollen die huetter awß der Sachen halben on feinez hanndtwerch vnnachtaylig hallten. Für Das dritt Sollen Dieselben huetter von Sanntt Vlrich fur die äczung, so Jn der fängknus Auff Jnn ganngenn, Dem diener beczalen II tal. den. Vnd Vmb das einschreyben mit dem Stattschreyber sich betragen Vnd Also soll die Sach Jn der guett verricht vnd geaint Vnd gögen Ainander hinfüro guet freundt sein Vnd pleyben. Actum Mittichen nach der hailigen Dreyer König tag Anno domini etc. 15 14 (01.11.). Tempore Michahelis Yban Magistriciuium et Martini Sighart Vicejudicis [147]