Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

gefallen, gelob Auch das alles pey meinen trewen vnd Eren War Vnd steet Zuhallten. Vnd ob Sy ainicherlay merer Vnd pessers gwalts, dann hierjnn begriffen, ist nach yedes gerichts Ordnung, notturfftig sein würden, denselben gwalt Will Jch Jnnen hiemit gennczlich vnd on Alen Abgang Vnd Schaden erstarr Vnd gegeben haben, Yczo As dann vnd dann, As yczo, Zugewin, Zuuerlust Vnd Zu Alem Rechten, Ales trewlich vnd vngeferlich mit Vrkundt des brieffs, Besigelten mit den fursichtigen, Ersamen vnd erber, Weysen herren hansen Schadner, die Zeit ainer der verweser des Rats der Statt Wien Vnd panngraczen Kemnatter, purger daselbst, baider aigen, Auffgetrugkhten Jnsigellen, die Jch Zugeczeugknus der Sach, mit Vleys darumb gepetten hab, Doch Jnnen, Jrn Erben vnd Jnsigelen on schaden, darunder ich fur mich Vnd all mein erbenn mit meinen trewenn Vnd Erenn steet Zuhallten Verpinde Vnd bekhenn Ales das hierjnn geschriben Steet. Geben Zu Wien Jn den hayligen pfingstfeyren Jm fünffzehenhundertisten Vnd Zehenndenn Jare {1510.05.19.) Nach gnugsamer Verhör solher payder partheyen Zwitrecht Jn der guet, Vnd nachmalen, Als dieselb nit Verfolgt Worden, nach Ordnung des Rechtens, Auff eingefurter Kundtschafft Zu bayden taylen, Jst durch die heren des Rats mit Jrm Rechtlichen Spruch vnd Vrtayl erkenndt vnd erclert worden, Dweyl <mit> nichten, Als Zum Recht gnugsam, Vom den Gilgen Als Anntwurdter geweyst Vnd darpracht, Das die fraw Zu der Zeit des beschehen kawffs Jrn Willen darczu geben, Sonnder nachmalen mit mundt vnd der that, As der ersten Arbait mit dem stegken Ziehen, solhen kawfF Widerrufft, So mög Sy wider Zu dem Weingart, Als Jrm gut Vnd morgengab steen, Vnd soll Jr Gilg darjnn kain hindrung thun. Aber vmb die Arbait, so gilg darein vnntz her gelegt, soll die fraw nach erkanntnus, Wie Zimlich Vnd gepurlich, Jme ain Vnuerczoglich Vergnuegen thun [121] 201. 1510 Juni 12 Hans Peck kauft von Katharina, der Tochter des verstorbenen Martin Reich, ein Haus in der Rosengasse / Peck János megveszi Katalinnak, néhai Reich Matton leányának, Rózsák utcai házát item Zewissen, Das hanns pegkh Ann dem Kauwff seins hawß, so er Von der Reych Katrein Kawfftt Vmb fünff Vnd se(ch)czig pfundt, erlegt hatt Zway vnd dreissig pfundt, hatt Sy selbs erstlich die XX tal. den. selbs empfanngen. Die Zwölff pfundt sein lawt des gescheffts Außgeben, item her Oßbaldt pleßbetter As kirchmaister Zu Sannt Johans VI tal. den, item gen Sanndt Wolfganng III tal. den., item Jns Spytal III tal. den. Actum mittichen Vor Viti Anno etc. 15 10 (06.12.), tempore Magistriciuium Jacobi Subenpurger et petri Vleischhagker Judicis. item Mer hott hanns pegkh an solher Schuldt erlegt .X. tal. den. Am Montag Nach dem palmtag Anno etc. XI-o (1511.04.14.), sein solh Zehen pfundt dem dirnlein geben worden, mit Namen Appolonia, so pey der Reich kathrein gewesen ist, lawt des gescheffts. item hat hanns pegkh Ain pfundt erlegt, ist hern quirin, lawt des gescheffts geanntwurdt worden [122]