Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
der hailigen Jungkfrawen tag, Als man nach der gepurt Christi, vnnsers erlösers, Zelet fünfFtzehenhundert Vnd Jm Sibennden Jar {1507.12.17.) [109] 182. 1508 Januar 27 Schlichtung des Streits zwischen dem Veit Schuster und Margaretha, seiner Frau einerseits, und Wolfgang Hengst, Hans Kastner, dem Schulmeister Leonhard Hengst und dem Ruprecht Schuster anstatt seines Kindes andererseits um das Erbe nach Peter Hengst / Megegyezés az elhunyt Hengst Péter hagyatéka miatti vitában egyrészt Schuster Vid és felesége, Margit, másrészt Hengst Farkas, Kastner János, Hengst Lénárd iskolamester és Schustet Rupert (gyermeke képviseletében) között Zewissen, Als Zwischen den Erbern, beschaiden Veit Schuester Vnd Margreth, seiner hawsfrawen, Ains, Wolffganngen Henngst, Hannsen Castner, Lienhardtn Henngsten, die Zeit Schulmaister, Vnd Ruprecht Schuester, an stat seins kinds, Alle Burger vnd einwoner hie Zu Ödenburg samptlich, Anderstail, Weylunden peter henngsten saligen, gedachten Veit Schüesters vorfaren, verlassen guts halb, Jrrung Vnd Zwytrecht erstannden, Der Sy Zuguetlicher hinleg vnd ainigung Auff die Ersamen, fürsichtig vnd weyß heren Eban michel, Peter Schneider, Jacob ledrer Vnnd Lanng michel, purger Vnd Ratsgesworn Zu Odennbürg, gutwillig komen, Der Sy endtlich Veraindt vnd vertragen Worden Also, Das Veit Schuester vnd sein hawsfraw gedachten seinen gëgentailen geben Vnd Ab tretten soll Erstlich Ainen Krawtgartten, Mer Ain Achtel Weingart Jm Sawruessel, Mer Ain Achtel Weingart Jm Vnnderstainern, Mer fur das Halb haws Acht pfundt pfennig Auff nehstkunfftigen Jarmargkt Jn der Vastenn {1508.03.14.) Zubetzalen. Damit soll die frundtschafft ganntz vnd gar Vergnügt sein vmb Jr vordrung Vnd das vbrig gut, Was des ist, ligunds vnd varundts, dem gemelten Veit Schuester vnd seinr hawsfrawen gantz, frey, ledig, As Jr aigentschafft gut Zusteen vnd pleiben, Damit Zeschaffen Vnd Zemachen, Ales nach Jrem nutz, wollen vnd geuallen, Vnuerhindtert gemelter frundtschafft vnd menigklichs. Vnd das solher Vertrag Aso steet vnd vnuerprochen gehalten Werdt, Jst Ain peen Daruff gesetzt, Nemlich Zway vnd dreissig pfundt pfennig, Wölher tail hinfür darwider handelt Vnd darpey Zu pleiben nit vermainte, gemainer Stat vnableßlich Zu betzalen. Zu Vrkundt vnd gueter gedechtnus ist Solhs Aso Jn pey wesen gemelter partheyen Jn der Statt gedenngkhpuech eingeschriben. Beschehen am pfintztag Nach Conuersionis pauli Anno etc. Jm Achtisten {1508.01.27.) [HO] 183. 1508 Januar 31 Hans Schmied, Bürger zu Ödenburg, kauft vom Stadtrat ein Haus am Alten Kotnmatkt / Schmied János soproni polgár a tanácstól házat vesz az Ögabonatéten [item Zu Mergkhen. Das Smid Hanns, Burger hie Zu Ödenpurg, Ain haws daselbst Am Alten Kornmargkt, Zwischen paiden Wolfganngen Smiden gelegen, Darumm ain Erib Jn der frembdt vor hannden sein soll, mit Willen Vnd wissenn der hern des Rats vmb viertzig pfundt pfennig Verkaufft hatt. Vnnd so Sich gefuegte, das der Erib Zu lanndt kerne, Soll er solh viertzigk pfundt pfennig Auff Alenn, gemelten Smid hannsen vnnd seinr Eeriben hab vnd guet habhafft Vnnd empfenngldich sein. Beschehen am Montag nach Conuersionis pauli Anno etc. Jm Achtisten] {1508.01.31.)
