Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
den Weinachten (12.25.) von fünfzigkh phunt phenning dint V tal. den., So hat Hanns Ziergkenndorffer Nach abgang des Magusch Emrich seligen khawfFt desselben Magusch Emrich Weingarten Zu Medwisch, die gügel genant, Vmb hundert tal. den. Vnd ist daran halben taill, fünfzigkh tal. den. Schuldig béliben, dieselben L tal. den. Soll Hanns Pirhenperger an Stat des Zierkenndorffer seligen khinder Jn Jars Frist erlegen Oder denselben Weingarten verkhawffenn, [Od] darjnne handeln auffs pësst, So er khann. Beschech solhs nit, Alsdann soll bedachter Pirhenperger Vmb dieselben .L. tal. den. Jn den dinst treten Vnd aufF sich nemen Vnd des Magusch Emrich Khinder freyenn. Actum am Mitichen Sand Valentinstag Anno domini Jm Funfzehenhundertisten vnd Sëgsten Jare (1506.02.14.) 174. 1507 Januar 4 Hans Schmied kauft von Dienesch, Richter zu Neusiedel, ein Haus / Schmied János Dénes nezsideri bírótól házat vásárol Schmid hans Hawß item Smid Hanns hat khawfft Vonn dem Dienesch, Richter Zu Newsidel, das haws hynnderem Closter, Neben des Mathes Schreiber haws gelegen, das etwenn des Nemesch Mathieschen gewesen, Vnnd nach abganng desselben Nemesch Mathieschen Vnd seiner hawsfrawen an bedachten Dienesch vnd seine kinder körnen ist, Vmb LXXII gulden, ye X sol. den. per I fl. Also Soll Jm geben Zu den Nachstkünftigen Österen (1507.04.04.), XXII fl. Vnd nachmals Jn vier Jaren, albeg Zu den Österen, XII 1/2 gulden, facit die vier Jare .L. flor. Actum am Montag nagst nach des Newen Jars tag Anno domini 1 5 0 7 (01.04.). Ob Smid hanns solhs nit halden würd, Jst er Zu peen Gmainer Stat XX gulden verfallen Vnd soll dennoch der khawff bey khrefTten vnd Stët beleiben, des Zu gedechtnüss Jst es hiejnn Jn der herrenn gedenkhpuech geschribenn. Actum die et Anno vtsupra [105] 175. 1507 Januar 15 Der Stadtrat bestätigt den Hauskauf des Stefan Käsler von Hans Gègër / A tanács igazolja Käslet István házvételét Gègër Jánostól Anno domini 1 5 0 7 Am Freitag nach Felicis (01.15.) haben die herrenn des Rats den khawff, So Steffan Khësler mit dem Gëgër Hannsen vmb das haws Jn der fleischagker gassen, Neben des Mert ledrer hawss gelegen, gethan, Widerumb Zwischen dem selben Steffan khësler Vnd der Geger Hannsin vernewt Vnd also gemacht, den khawff beslossen vmb LVII tal. den. Also Steffann Khesler Sol auff nagstkünftigen Sand Jorgen tag (1507.04.24.) halbe werung erlegen vnd nachmals die ander weung von den nagstkünftigen phingsten (1507.05.23.) vber ain Jare. Actum die et Anno vtsupra 176. 1507 Januar 16 Schuld des Kaspar Fischer wegen einer begangenen Straftat / Fischer Gáspár cselekedetének pénzbüntetése Caspar Vischer Jst den herrenn Penfellig Worden, Vmb das Er dem paull Rumphf, vber menig sein Ersüehen, ainen Spiess vorgehalden hat, per XXXII tal. den. Oder soll ain hawss Jn der Stat khawffen. Actum am Freitag Marcelli Anno .1.5.0.7. (01.16.) [106]
