Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
Khramer vnd Gäger Hansen hewseren gelegen, das dann Jorg Schylltel hewt, dises tags, vom Slëmel Behem Juden abgefreit Vnd XXV tal. den. für den Maler vnd sein hawsfrawen gegeben hat, als sein freyes fürphandt alle Schuld Jnnhald ainer aufrichtigen rayttümb darauff Ze haben, furgeslagen, Auffs allerpeldist dasselb verkhawfft mag werden, dieselb Zu entrichten, da bey ist auch benanten Gwalttrageren hewt eingescheczt von dem Maler ain vas wein per Eimer Vmb tal. den., Werd auch an der Schuld abgezogen. Vber solhs alles haben obuermelt Wolfgang Weiss Vnd Jorg Schilltel aus sonderem, guetem willen dem Maler Zeit auff"nagstkunfftigen Sand Mertentag (1505.1 LI 1.) geseczt, das haws Zuuerkhawffen, Selbs abzulösen Oder Jeren Willen verrer erlangen, des er sich gutwillig angenömen. Ob aber solhs von Jm nit beschech, Alsdann haben Sy nach solhem bestimbten tag, dasselb haws freye wall Zuuerkhawffen, Zuuerseczen, Zuuermachenn vnd geben, Souill Jr Schuld berürt, Wem Sy verlusst, Trewlich vnd vngeüerlich. des Zugedechtnuss Jst es aus gebet beiderseit, Zu gedechtnüss der pillikeit, nach eingeschriben. Actum die et Anno Vtsupra 169. 1505 November 11 Martin Sighart kauft vom Stadtrat ein Haus / Sighart Márton házat vesz a tanácstól item Mert Sighardt hat hewt Acto des Von den herrenn des Rats khawfft das haws Jn der Stat, Jn der Fleischagker gassen, Zwischen des Fleischagker peteren Vnd Wolfgang Henngst hewseren gelegen, Vmb IIIC tal. den. Vnd Soll geben Zu Sand Mertentag (1505.1 LI 1.) IC tal. den. Vnd darnach albeg Zu Sand Mertentag nagstnacheinander künfftig .L. tal. den., facit Vier Jare. Actum Montag Sand Johanns Abenndt Zu den Sunybenndten Anno 1505 Vnd ist hewt mitsambt seiner hawsfrawen Juliana Nuts vnd Gwer geschahen etc. [101; 102] 170. Grenzbeschreibung zwischen der Herrschaft von Ödenburg und der Burgherrschaft von Landsee / Sopron város és a lánzséri váruradalom közti határjelek leírása Vermerkht die Hotär Zwischenn der herrenn von Ödemburg Vnd der gegent Zu Lannsee gehörund. item Beym Stinkhenprünn ligen Zwo hottär, Zaigt der ainn gegen aufgang der Sunn, der ander gegen nidergang der Sunn. item Nider Almansgraben Ligt auff der herren grünt Vnd Stainstökel Ligt auff Lannseer Grünt. item Auff dem Oberen Almansperg Ligt auff der herren Grünt Vnd der Kholgraben Ligt auff Lannseer Grünt. item Raumetgraben Ligt auff der herrenn Grünt Vnd der gawgiczer auff Lannseer grünt, item des Gundel Wysen, da der weg hervber get von Agenndorff, der Nusgraben Ligt auff der der herrenn grünt. item Bey Leopolczpacher wëg I hottär der herrenn Grünt. Vnd auff den Zeraichenn gehört aufF Lannseer Vnd dasselb seinn alls verboten weg. Vnd wer nit von meinen herren erlawbung hat, Vnd begriffen wird auff den wegen, den mag man, Was er fürt oder bey Jm hat, nemen. Oder ob man Wein Vber dieselben grünt füeret, den mag man nemen Vnd her Zum Prannger füeren Vnd die pöden ausslahen.
