Bírósági Könyv 1423-1531; A sorozat, 2. kötet - Sopron Város Történeti Forrásai (Sopron, 2005)

Das Gerichtsbuch-A bírósági könyv (Jenő Házi - János Németh)

bringen mögen, Juden austribn, Puschman tuech, Simendl begert dieselb tuech von Jacob Juden, Simendl geben inhallt Schuldbrief bracht 55 florin Vber xiiii tag annder gwclb Mandl vnd Gersd gwelb xiiii stugk mech in nomen Puschman emphangen Simendl mit seinem dienner kumen, dieselben mech begert, im zuegesagt auf Elizabet zu bezallen, Simandl seinen junger die tuech geben ins gwelb tragen, Puelndorfer ain schuldtbrief begert im zuegesagt aber nye geben, an aller schuld 58 tal 6 sol den Puelndorfer sein schuld begert, Sigmund gelaugend, sunder gesagt Puelndorfer sey im 40 florin schuldig, berümbt solhes zuweisen mit dem hungern dem Puelnd(orfer) ochsen abkauft, ettlich person zu beweysung furstellen des Sigmund diener sunderlich auf sein weissartigklen zuuerhören, Lenngenfelder [als antworter] begert dem Puelnd(orfer) zuezusprechen wieuil der mech von Puschman emphangen gewest sein, Puelndorfer eingelegt ain register daran die mech vermerkht sagt auch sey Puschman handschrift Puelndorfer zinsgwelb, bestanden jarlich per viii florin, er darinnen gesessen mit des Puelndorfer gutem willen, Bestandig mech von im kauft, darumb ain Schuldbrief muessen geben, Vmb das weniger br(ief) auch gewislich vmb das maist genomen, Puelndorfer nach dem br(ief) vi florin geben bei her Vlrichen, mer zuegestellt ii hungern xx florin Restât bargellt [inen] mer thuech geben 20 florin Restât 2 sol xii den gestet im nit mer als der schuldbr(ief) vermag, auf des Puelndorfer anfordern gesagt im sein schuldbr(ief) so er erledigt heraus zugeben, Puelndorfer sei im schuldig vnd er im nichts, im weiter nit antw(orten) er geb im dann sein schuldbr(ief) vnd raitt mit im waist Puelndorfer [sol weisen] im mech vber sein schuldbr(ief) geben, Pucl Puelnd(orfer) sei im schuldig 40 florin das sol er auf des Puelndorfer begeren nur mit ainem menschen weisen, Inn solh 40 florin zuestellen vnd bezallen, [221] Her wider Puelnd(orfer) im [Simandl] geren ainer erbern raittung vor erbern leuten ge zusein, mit andern vill worten, Zeugen ernennt Veit Pollts, Andre sailer, Steffan schuester, Leopolden Sigmunds dienner, Vrban scherer, Blasy scherer, Veit Schneider. Begert die nach Ordnung rechtens zuuerhörn [Sigmund] contra Sigmund [Puelndorfer] producirt Waltaser hueter begert auch denselben nach Ordnung rechtens zuuerhörn, damit er verhofft, dieweil Puelndorfer im solh Weisung auf ainem ainigen menschen gelassen vor heren statrichter f zuweisen das er Puelnd(orfer) die 40 florin new Hungrisch münts gelihen hat Puelnd(orfer) zeugen sag [Erst zeug] Veit Pollts, bekennt auf den ayd im furgehallten, das er dem Puelndorfer vormals zuegesprochen, er wiss nicht mer zu bekhen, wann das er auf des Puelndorfer gebet vii stugk thuech zu zwaimallen von den Juden in sein hauss getragen [vnd die andern haben vi stugk getragen] vnd von daselbs in sein des Puelndorfer kamer helffen tragen vnd begert im dauon vmbs gellt zu gwanndt zugeben, hab Puelndorfer gesagt, er miess dem Simandl geben, dasselb vindt ers auch wol aber im sey nit wissen, ob ers weiter dem Sigmund geben hab oder nit, [2us tesds] Steff(an) Gatringer sagt gesworen sagt, das er nur ain leberfarb stugk thuech aus des Gerstl gwelb getragen das im Puelndorfer aufgelegt hat, vnd sagt, es sein xiii gantze stugk, vnd ain weiss offens stugk Er wais aber nit was mit denselben tuechen weiter gehand(e)lt sey worden, [3us] Leopold Jacoben ledrer sun bekhent auf den ayd vnd eingelegten [ersten] weis artigkl das er nit bei dem kauf gewest das sein herr vnd Puelnd(orfer) den kauf miteinannder