Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
niderlegen vnnd weczallen. Actum an Freitag vorm palmtag Anno domini Millesimo Quadringentesimo Nonagesimoquarto (1494.03.21.). 165. Jacob Jochim vnd sein erben Hat (sie!) Nucz vnd Gwer emphangen czwo aker im Stainakcher, der Nachper ist mathes plezbeter, der mit khauf von CZenczen plezbeter an Im khömen ist ledig vnd frey. Actum an Freitag nach Natiuitatis marie Anno etc. 94° (1494.09.12.). [22 r ] 166. Wenusch Zelene. Vermerckht, das sich Her Benusch Zelene von Suchtal an stat sein vnd erbenn mit Augennstin Misdhüllinger, burger Zu Bresburg, Vnnd Sigmunden Mysdhüllinger, Burggrauen Zu altennburg, vnnd iren Erbenn von wegen aller vnnd yglicher Erib Guter, so weylennd der Edel vesst vnnd Gestrenng Her wylhalbm Mysdhüllinger, ettwan Span vnd Haubtman Zu Odenburg seliger hinder sein gelassen hat, Ganncz vnnd gar nach laut irer Capitelbrief aus dem Capitel Zu Bresburg darumb ausgangen, veraint, verricht vnnd vertragen In Sölher Gestallt, form vnnd meynüng, Das Nw hin fur die wenanten Augenstin vnnd Sigmund Misdhüllinger noch ir eriben noch gar Niemands von iren wegen Zu dem wenanten Herrn Benüschen vnnd Zu seinen eriben der [Erib] Egemelten Eribguter halbm, so der vorgenannt Her Wilhalbm seliger nach Im gelassen hat, gancz khain anvordrüng noch Zuspruch, vil noch wenig nicht habm sullen noch Gewinnen, ganncz in khainem weg, Sunder sol vnnd mag der wemelt Her Benusch mit den obgedachten Her wilhalm seligen gelassen Guter der vorgeschriben Sigmunden vnnd augenstin Mysdhüllinger halbm Ze thun vnd Zu handeln gancz frey vnnd vngelrrt sein. Es sol auch der Brief von khunig Mathiasenn der gemelten Güter halbm ausganngen vnd hie in den Rat erlegt warden ist, ganncz ab, tod vnnd Craftlas sein, Vnnd ob der Indert her fur khäme, sol er dem wenanten Her Benüschen vnnd seinen eribenn khainen schaden noch Nachtail nich (sie!) bringen 9 . Actum an Freitag nach Suntag Quasi modo Geniti Anno domini Millesimo Quadringentesimo Nonagesimoquarto (1494.04.11.). Graff Niclas von Salmanstarif, Justina, sein eliche Hausfrau vnnd ir beder erben habm Nucz vnnd Gwer emphangen ains Hawss in der Stat, In der Newgassenn, [ne] czwischen der Erbern Peter Schneider vnnd wolfganngen khursner hewsern Gelegen, das mit khauf von dem Erbernn Gothard Seyberlich an sew khömen ist Ganncz Ledig vnnd Frey, actum an Freitag an Freitag (sie!) Nach Quasimodogeniti Anno etc. LXXXXIüT (1494.04.11.). 167. Lanng michel vom wolfs vnnd sein erben Habm Nucz vnd Gwer Emphangen X Jeuch ackher Im kerssengraf bei Kolnhof gelegen, des nachper ist wolfgang Rauch, die mit khauf von Her Andre Saür, pharrer Zu wanndorf an sew khömen seinn gancz Ledig vnd Frey. Actum an Freitag nach Quasimodo 94° (1494.04.11.). [22 v ] [Mert Henngst, Katherina, sein Hausfrau vnnd ir beder erbenn] 168. Her Jacob Jochim, die czeit des Rats, Katherina, sein eliche hausfrau vnd ir beder erben habm Nucz vnd Gwer emphanngen ains achtail Weingarten bei der kirichen Zum wolfs gelegen, des nachper ist Mert fewstel, der vormallenn weilend von Hansen krochen seligen an Gemeine Stat [khömen ist] gefallen vnd darnnach von Gemeiner stat mit khauff an In khömen ist vmb ain Suma geldes, der er gemeine Stat gancz vnnd gar entRicht vnnd weczallt hat, Ledig vnnd Frey. Actum an Freitag vor Tiburci Anno etc. LXXXXIIII 0 (1494. 08. 08.). 9 Vgl. Odenburger Urkundenbuch II/6: 361-362. Hier ist auch die lateinische Ausfertigung des obigen Textes aus 1524 zu finden.
