Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
132. [Cristoff wülffing, Vrsula, sein Elichew Hausfraw vnnd ir beder eriben haben Nucz vnnd Gwer Emphfanngenn ains Beingartenn auf den Stainhauffenn gelegenn, des vir virtail seinn, des nachpaur ist an der ainn Seittenn wolfganng Vischer vnnd an der anndernn seittenn di Starkchenn, der mit rechtem kauf an sew körnen ist ganncz Ledig vnnd Frey von dem Beschaiden Moyses Judenn, des Mändlein Judenn Zw Ofenn verbesser, Der in dann den wenanten Beingartenn an Stat desselbm Mändlein Juden, seines Hernn verkaufft hat vmb ain Suma Geldes, dew sy im ganncz vnnd gar, an allenn seinn Schadenn, ausgericht vnnd weczalt habm. Vnnd ob aber hinfur vmb den vorgemelten Beingarten yndert mer briflich vrkunnd, wie di genannt möchten werden, von Christen oder Juden oder von wem das war, her fur pracht wurden, di sullen gegen diser Gwer ganncz ab, tod, vernicht vnnd Craftlas sein. Actum an Mitichen nach Sand Lucien tag Anno domini etc. nonagesimo] (1490.12.15.). 133. Anno domini Millesimo Quadringentesimo nonagesimo primo an Montag nagst nach der Heiligen Driualtikait (1491.0530.) seinn durich die ersamen vnnd weisen Herrnn Achaczienn Kranperger, Jacob Riemer, Mertt Sighart vnnd michel Stadel, all die czeit des Rats, der erber wolfgang kursner, mitburger Zu odennburg an aim, vnnd wolfganng negel am anderm tail vmb all vnnd yglich Zuspruch vnnd anvordrüng, [s] Es sey vmb erib oder varundgüt... [IT; 18 r ] 134. Puchler Veitlin vnnd ir eribenn Hat Nücz vnnd Gwer emphanngen ains Egkchawss vor der Stat, am KornnMarkch gelegen, des nachper ist der Schreiner mathes, das mit kauf von peter Stiffter an sein körnen ist Ledig vnnd Frey, vmb ain Suma geldes, der er ganncz entricht vnnd weczallt ist, actum an Freitag nach aller kindlen tag anno domini millesimo quadringentesimo nonagesimo secundo (1491.1230.).* 135. Görig paungartner vnd sein eriben Hat Nucz vnnd Gwer emphanngen ains ackher Im Rosengarten gelegen, des nachper ist mit aim weingartenn Hanns czirgkendorffer, der selb akeker mit kauf von Gilig Rettennhengst an In körnen ist Ledig vnnd Frey. Mer ist er nucz vnnd Gwer körnen ains achtail Weingarten, Zenagst desselbm akeker gelegen, das mit kauf von der pleyEysin auch Ledig vnnd Frey, Dar Zu dann der Rettenhengst sein Spruch gancz Ledigklichen nachgeben Vnnd Valien hat lassen, actum an montag vor der Heiligen dreyr König tag Anno domini etc. LXXXXH 0 (1492.01.02.). 136. [Her Jacob Jochim, sein eriben Vnnd Friderich von weyssing Habm Nucz vnnd Gwer emphanngen die vntterpadstubm vor der Stat, in der Schmidgassen gelegen, Ledig vnnd Frey, die von Hansen Liligenhofer mit kauf an sew körnen ist, actum an mitichen nach der Heiligen Dreyr König tag Anno domini etc. LXXXXlf (1492.01.11.). 137. [Anno domini Millesimo quadringentesimo Nonagesimo secundo Habm di Herrnn Vnnd Gemayn Herrnn Jacobn Jochim, dieezeit Burgermeister Vnnd seinn eriben ain Hekch vnnd tail Erttrichs Zu nagst seines Weingarten in der Klausen gelegen, der man ettwann der Munich Weingarten genennt hat, der selb tail erttrichs von demselbm Weingarten an den weg [ge] Stößt vnd Raicht, vergunt vnnd erblichen Zu geaigent vnd gegeben, Fürbaser nw mit dem selbm tail ettrichs thun, Lassen vnd handeln als mit andern seinem aigenhafften gut, wie In dann verlusst, actum an Suntag nach sand Sabastiantag Anno domini etc. LXXXXII 0 (1492.01.22.). [18 v ] 8 Jahresbeginn am 25. Dezember
