Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
nach vermugen ainer auffSanndt, durch den stettner mit aigner hanndt geschriben vnd seinem aigen petschafft gefertigt, an die Heren von Odennburg als grundtHerren lauttenndt, gekaufft vnd beZalt haben, fur ledig vnd frei hintz christen vnd Juden vnd sunst allermeniclich. Vnd berurtes kauffs halben Sollen Hanns stettner vnd sein erben des Blasi nadt vnd seiner erben nach der stat Odenburg brauch vnd gewonhait recht gewör vnd scherm sein vor aller kunfftiger clag vnd ansprach etc., vnd Zu wissen, das die auffSanndt des Stettner Her Blasi nadt ist Zuegestellt worden auf dem RatHauss Amb freitag nächst nach EliZabeth Anno 1532 (22.22.), Sub Magistratibus Francisco Sübenburger et Andrea paltramb etc. [91 r ] 1533. 566. Clara, Weilennd Quirein Lanng gelassen wittibe Vnd derselben Kinder haben nutz vnd gwer emphanngen aines hauss in der potzachgassen, Zwischen Christof schmid Vnd waltasar täesch heuseren gelegen, das mit kauf an sy komen Von Manusch Juden Vnd er, Jude an schulden Von weilennd Andre paueren erben mit gerichtz Ordnung angenomen. Vnd demnach dem Juden solh hauss von den kauffern beZallt, hat Inen der Jude durch seinen Sune, den Jungen Manusch Juden berurt hausung mit aller seiner Zuegehorung vor dem Grundpuech frei, ledig aufgeben, an Nutz vnd gwer schreiben lassen, Auch Ir rechter gwer vnd scherm Ze sein, Wie gewonhait vnd recht ist, Vor aller kunfftiger clag vnd ansprach etc. Actum freitag vor Reminiscere anno 33 (1533.03.07.). Sub Magistratibus Francisco Bohemo, Andrea paltram. 567. Leonhart peter, burger Zu Odennburg, Veronica sein hausfrau vnd Ire kinder haben nutz vnd gwer emphangen der Zwaier stock Vnd hausung nächst an die mörin gelegen, der grossen stainein stockh Vnd den Hültzin [d] nächst darob gelegen, dye sy Von Isaac Juden, der malka Jüdin sune gekaufft vnd beZallt haben. Vnd darauf Inen der Jude solh Zwen stöckh vor dem Grundpuech frei, ledig aufgeben, an Nutz vnd gwer schreiben lassen Vnd Ir^ rechter gwer vnd scherm sein vor aller kunfftiger clag vnd ansprach hintz christen vnd Juden, wie gewonhait vnd Recht ist. Actum freitag vor Reminiscere Anno 33 ten (1533.03.07.), sub Magistratibus francisco Behemo, Andrea paltramb. [91 v ] 1533. 568. Süsanna, Weilennd Blasi Kreuhers, burgers Zu Odennburg gelassen wittibe Vnd Ire Dreü kinder, so sy mit gemeltem Irm hauswirt in eelichem stanndt erobert, haben Nütz vnd gwer emphanngen dreier sechtZehentail Weingarten Im durlass in der Brunhuet, Zwischen Hannsen mülner sün Vnd des Jungen Bläsweter Weingarten gelegen, Die sy Von den herren Burgermaister, Richter vnd Rate erkaufft vnd mit ainem vässel wein, welches die stat von Inen emphanngen, [vnd] beZallt haben, fur ledig vnd frei. Berurts Weingarten halb ain ersamer Rate Ir gwer vnd scherm sein vor aller clag vnd ansprach, Wie der stat brauch ist. Actum sub dominis magistratibus Francisco sübenburger et Andrea paltramb, mittichen nach Reminiscere Im 33 ten Jare (1533.03.12.). 569. Der Edl, vest Andre paltramb, die Zeit statrichter, Veronica sein hausfrau vnd Ire erben, die sy miteinannder im eelichen stanndt erobert vnd furan vberkomen möchten, haben nutz vnd gwre emphanngen aines achtail Weingarten Im stainhauf gelegen. Zwischen n. deüml vnd georg schmid Weingarten, den Inen Cöppl, Manusch vnd die alt Leser Judin als Ire verschribne phanndt Vor dem grundtpuech fur frei, ledig aufgeben Vnd eingeantwurt. Wellen auch gemeltes heren paltramb recht gwër vnd scherm sein vor aller kunfftiger clag vnd ansprach, Wie statbraüch ist. Vnd sölhen Weingarten hat egedachter her paltramb beZalt als sein frei guet. Actum freitag nach der auffart christi Im XXXlll ten Jar (1533.05.23.). Sub Magistratibus eodem paltramb et francisco submburger. [921
