Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
556. Hanns Brynner Schneider, burger Zu Odennburg, Vrsula sein hauswirtin vnd Ir erben haben nutz vnd gwer emphangen aines achtl Weingarten im Saxgrund, neben sein selbs vnd erhart CZün Weingarten gelegen, der von Weilennd niclaß piestinger herrurt Vnd durch die herren des Ratz mit kauf an sy kumen ist, den sy auch vmb X tal. den. bargellt erkaufft vnd par fur den Rat erlegt haben. Sölh gellt Haben die Heren Zu gemainer stat halbs genomen Vnd gen Wandorf den paulinern Bruedern, die andern V tal. den. Zu des Closter notdurft geben, Nachdem der piestinger das Weingartl in seinem testament Zu dem closter geschafft hat. Actum freitag nächst Vor letare Im XXXII ten Jar (2532.03.08.). Vnd die heren sein der kauffer gwer vnd scherm Vor aller künftiger ansprach hintz christen vnd Juden nach statbraüch. Sub magistratibus martino Sighart et Andrea paltramb etc. 557. Her Hanns Reiss, ainer des Ratz Zu odnburg, seine Zwai Kinder, Zachariaß vnd sibilla, so er bei frauen Magdalena, seiner ersten hausfrau im eelichen stanndt erworben, haben nütz vnd gwer emphangen aines Achtail Weingarten Im clausen, neben wolfgang Brugkler Vnd des Kunigs Weingarten gelegen, den sy Von Zechmaister vnd Bruedern sand Anna Zech Zu odnburg [89 r ] 73 Fur frei, ledig hintz christen vnd Juden 74 erkaufft vnd beZallt haben. Vmb denselben Weingarten sollen nun furan Zechmaister vnd Brueder berürter Zech Ir rechter gwer vnd scherm sein, Wie solher erbe vnd der stat prauch vnd gewonhait ist, vor aller kunfftiger ansprach, es sei hintz Briestern, Burgern, christen oder Juden, 74 treulich, Vngeüarlich. Beschehen freitag vor Letare Anno 1532 (03.08.). Sub Magistratibus Martino sighart et Andre paltramb. 558. Steffan pinter erben Weingarten im sauprünn VIII tal. den. Georg mogkh, Burger Zu Odennburg, Anna sein hausfrau Vnd Ir erben haben nutz vnd gwer emphanngen aines achtail Weingarten im Sauprünn, neben michel fidlerin Vnd sein selbs Weingarten gelegen, den die herren des Ratz an stat der erben Weilennd steffans pinther Inen vmb VIII tal. den. Zukauffen geben, dann derselb sunst in öden kümen Vnd solich VIII tal. den. hat der kauffer auf das Rathauß erlegt Zu der kinder hannden in deposito. Actum mittichen Vor palmarum Anno 1532 (03.20.). Sub Magistratibus [martino] christofero gratzer surrogato Magistrociuium et andrea poltramb. 559. Hauss in der schmidgass. Her Blasi nagd, Ratsburger Zu Odennburg vnd seine Kinder haben nutz vnd gwer emphanngen aines hauß in der schmidgass gelegen, Zwischen Her andre StifftCaplan vnd Bartlme schön heusern, Das sy von Christan Zeiner vnd seinen erben fur ledig vnd frei kaufft Vnd beZallt haben Vnd her Balasch Hat den grunherren Züegesagt, er welle seinen sun, Matheßen darein setzen oder wider Verkauften, wer Im darumb Zuekaufft Vnd solle kain freihauß darauß machen, Sunder gemainer stat daüon vund darauß alle gehorsam thain [etc.] wie sich gebürt. Actum montag post dominicam quasi modo geniti Anno etc. 32 (1532.04.08). Sub Magistratibus Supra nominatis. [89 v ] 560. [1518. Das Kloster.] [Vlreich Vnnger hatt erlegt des XVII Jares V tal. den., So hie Zu dem Kloster gehörenn, am mitwoch (nach) exaltacionis crücis (1517.09.16). Dy Hatt Widerumb Empfanngen Peter Stiffter, pfannd ain sechZehenteyl Weingartten Im Vngerlein gelegen, Nebenn Hannssen Rawhenn, ain ortt Weingarten, Anno etc. Im XVIII om freytag nach natituitatis marie (2528.09.20.).] Dise 5 tal. den. sein im Weissen Briesterbüech geschriben. 73 Auf 89 v oben steht: 1532 74 Von hintz angefangen nachträglich unterstrichen
