Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
gelanngt hat, wie der mit Rain Vmbfanngen ist. Beschehen montag Vor Vnnser frauen tag Irer himelfart Anno 1525 (08.14.). 441. Hanns ledrer, Burger Zu Odennburg, Katarina sein Hauswirtin vnd Ir erben haben nuts vnd gwer emphanngen aines erbs, im Rosengarten genannt, mit aller seiner Zuegehörung, an die saürüessel gelegen, der mit kauf von Manusch dem jungen Juden fur frei, ledig an sy kummen, den sy völlig beZallt haben. Berurter grund vnd Rosengarten ist ettwann der Hofmair vnd Irer erben gewest Vnd dem Juden an schuld durch gericht Von gemellter Hofmair erben dem Klausen Kun vnd seiner hawswirtin Zuegesprochen worden. Bescheen amb abend Bartholomei apostoli anno 1525 (08.23.). 442. [Jacob Awer, der Zeit Statschreiber vnd Burger Zu Odennburg, Appolonia sein hauswirtin haben nuts Vnd gwer emphanngen 1res hauss in der Stat, hintern fleischpenngkhen, Zwischen thoman farkusch erben Vnd Jacob Heischagkherin hewsern gelegen, das Von mathes gartner, burger Zu Odenburg, n. seiner hauswirtin, Die weilennd petern fleischagker eelich gehabt, mit redlichem kauff an sy komen vnd willigklich be Zallt haben. Beschehen mittichen nach vnnser frauen tag Irer himelfart Anno etc. 1525 (08.26.), tempore michaelis Iban Magistriciuium et casparis Kolb Judicis etc.] [66 r ] 1525. 443. Michel Schuester, Burger Zu Odennburg, Margaretha vxor vnd Ir erben haben nuts Vnd gwer emphanngen Dreier sechZehentail Weingarten im potsmansperg, Zwischen sein selbs Vnd n. schober Von kreüspach Weingarten gelegen, der Von dem Jungen Ysaac Juden kaufweis fur ledig vnd frei an sy kumen vnd haben berurten Weingarten völliglich beZallt. Bescheen freitag nach Bartholomei Anno etc. Im 25 (1525.08.25.). 444. Michel Daumb, burger Zü Odennburg, margaretha sein hauswirtin vnd Ir erben haben nuts vnd gwer emphanngen 1res hauss in der Judengassen, Zwischen merten Sigharten vnd Hädschl Judin heusem gelegen, Das von ainem ersamen Rat kaufweis fur frei, ledig an sy kumen vnd völligclich beZallt Haben. Beschehen mittichen ante Simonis et Jude Anno etc. im 25 (1525.10.25.). 445. Mert Lanng, mitburger Zu Odennburg, Wallpurg sein hauswirtin vnd Ir baider erben haben nuts vnd gwer emphanngen aines öden Viertel Weingarten neben der Hanns Raühin Weingarten im magerlein gelegen, der ettwonn Zu Der Stift nächst Vnndter der Schüel gehört hat, Welcher mit stätem, redlichem kauf von her wolfganngen wetzer, der Zeit pharrer im Spital, als Stifftcaplan bemellter phrünt fur ledig vnd frei an sy kumen ist Innhallt gedachtes her wolfganngen aigen hanndschrift vnd petschaft, darlnn her wolfganng bekennt, solch kaufgellt an die stifft mit paw angelegt hiet etc., actum montag Leonharts tag anno etc. im XXV ten (1525.11.06.). [66 v ] 1525. 446. Blasi nagd, Burger Zu Odennburg vnd seine Eelihe kinder haben nuts vnd gwer emphanngen 1res hauss in sand Georgen gassen, Zwischen wolfganngen tölldl vnd georgen Haberleüter heusem Zu Odennburg gelegen, das sy kauft haben Zu Zeiten weilennd Frawen Radegunden, genanntes Her waläschen Hauswirtin, dieweil sew in eelichem stannde miteinannder Zu Schäpring gesessen sein vnd das frei, ledig an sy von der Kuents Wolfin kaufweis kummen ist. Beschehen Zu Zeiten Herren micheln Iban Burgermaister vnd Kolben Caspar Statrichter, an [sand] freitag nach Lucie Anno etc. im XXV ten (1525.12.15). Idem Her Balasch vnd seine kinder haben Nuts vnd gwer emphangen aines Virtl weingart Im Haider, Zwischen peter Vischer Vnd Thoman Eisner, burgern aus der Neustat Weingarten gelegen, den sy fur frey, ledig von Benedicten perrs, burger Zu Odenburg
