Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
erkaufft vnd fur ledig vnd frei beZallt haben vnd berurter Weingarten rürt her von Philipp ducat, den der Jud vmb schuld haimbgefallen. Actum tempore michaelis Iwan Magistriciuium, michaelis pulndorfer Judicis, an montag nach Judica 25 (1525.04.03.). 428. Anndre Vnd Niclas, baid Kolbmhoüer haben nuts Vnd gwer emphanngen aines hawss an dem all ten Holltzmarckht, in der Vorstat Zwischen christan Joachim Vnnd Jägers hewsern gelegen, das mit kauf Von Maister Niclas letZellter, burger Zu Odenburg, Veronica seiner hawswirtin, die ettwon Leonharten schmid eelich gehabt, des dann berürt haws gewest, für ledig vnd frei an sy kumen ist, Das Sy auch beZallt Haben, also Das Anndreen vnd seinen erben die Zwai tail haws vnd Niclasen vnd seinen erben drittail hawss volgen soll. Beschehen freitag nach Floriani Anno domini 1525 (05.05.), tempore michaelis Iwan magistri ciuium, Casparis Kolb Judicis. [64 r ] 1525. 429. Mathes Schät Stainmets, burger Zu Odenburg, n. sein hawswirtin Vnd Ir baider erben haben nuts Vnd gwer emphanngen aines hawss in der Schmidgassen, Zwischen aller gläubigen Sein Zechhaus Vnd wolfganngen Schütwämppl heusern gelegen, Das sy von merten Steirer Vnd seinen erben erkaufft Vnd für frei ledig beZallt haben. Mer haben von gedachtem [mathes] mert steirer, Irm vater Vnd Ayden kaufft ain achtel Weingarten bei der khirchen. Vnd ain achtl Weingarten Im felberprunn gelegen, Dauon sollen sy nun Jarlich her Erharten Zu seiner stifft Von funff phunt den. dienen, Biss sy sollch funff phunt den. Zu gemellter stifft erlegen, alias ledig Vnd frei. Beschehen feria secunda post Cantate anno 25 (2525.05.25.). 430. Sigmunnd Enngl, burger Zu Odenburg, n. Vxor haben nuts Vnd gwer emphanngen aines hawss In der Schmidgassen, Zwischen aller glaubigen Seelen Zechhaws vnd der michel höschin hewsern gelegen, Das Von dem Mert schaden vnd seinen erben fur ledig vnd frei, kaufweis an sy komen vnd redlich beZallt haben, tempore Michaelis Iban magistriciuium, Casparis Kolb Judicis, an mittichen nach heiligen phingsttag Anno etc. im 25 (1525.06.07.). 431. Christan Reitter aus dem Karlein, n. sein Hausfraw Vnd Ir erben Vor ainem Ersamen Rat nüts Vnd gwer emphanngen Ainer Müll Zu wanndorf, neben pawer Erhartin gelegen, mit Zwaier lauffenden Redern, ainem Mülrad vnd Stampf Rad, Die mit sambt aller Zuegehorung von maister Vlrichen peckh vnd n. seiner hawsfraw, Die emaln christoffen Eisner eelich gehab, mit kauf fur ledig vnd frei an sy komen ist vnd sy vmb 20 tal. den. redlichs kauff erkauft vnd beZallt Haben, Beschehen mittichs nach dem phingsttag Anno etc. im 25 (1525.06.07.). [64 v ] 432. Item Her michael mägerl laibriester, pharrer Zu Petersdorff ob Koblsdorff hat nuts Vnd gwer emphanngen aines achtl Weingarten Zu Egeren in den allten Sätzen, Zwischen Benedicten Häberler Vnd n. Summer von gurm Weingarten gelegen, Den er Von wilpolt wolfpeis 31 , burger Zu Odennburg vnd seinen erben fur frei, ledig erkaufft Vnd gannts völlig beZallt hat. Beschehen an mittichen nach dem heiligen phingsttag Anno etc. im 25 (1525.06.07). 433. Georg schmid, Burger Zu Odennburg, Helena sein hauswirtin vnd Ir Erben haben nuts vnd gwer emphanngen 1res hauss an [der] dem HolltZmarckh gelegen, Zwischen dem pharrer bei Vnnser Frawen kirchen Vnd Steffan Vormair hueter hewsern, Das mit kauf Von Herrn Bartlmeen Ofner, burger Zu Odennburg vnd seinen erben fur frei vnd ledig an sy 31 Nachträglich unterstrichen
