Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
Welches 25 Obgemelten Weingarten Nutz vnd gwer Enpfangen hatt her Piers benedict am freitag vor Mariemadalene Anno domini 1521 (07.19.). Magistri Ciuium Cristan Reischacher, Judicis Barthole von offen. [54 v ] 387. Gilg Zechanntter. Ich Leonhart fleischackher, Burger Zw Edenburg Bekhenn fur mich vnd all mein Erben vnd thue khundt allermenigklich mit dem brief, Das ist Recht vnd redlich verkhaufft hab dem Ersamen Weißen Gilgen Zehenntner, Burger Zw der Newstatt, Katherine seiner hawsfraw vnd leren beden Erben Mein alts gemeyr vnd Gwelb, Vnd die Einfart sol er gantz frei vnd Vngelrrt mitsambt mir haben, von dem Gemeir vnczt an den garten, Vmb ain Suma gelts, der ich gantz vnd gar on allen abgang vnd schaden Ze rechter Weill vnd Zeitt entricht vnd betzallt bin. Darumb ich In, sein hawsfraw vnd Ir Erben In der Statt Zw Edenburg Stattgruntpuech an Nutz Vnd gwer schreiben hab lassen, Doch in der gstallt vnd Abred, das ich die einfart vnd beden taills Zw gutt Zimmeren vnd Er dartzue Latten, Schindtl, Nagl vnd degkhen lassen, Sonnst sol er Weder thor sten, Wachten noch Robaten dauon ausrichten, sonder Zw ewigen Zeitten frei sein, Damit hanndln, Nutzen vnd Niessen, Wie In Verlust vmnd guet bedünckht, Da entgegen lest er mir Zuesten die grundt, wismat, Ackher vnd annders, so dartzue gehört hatt. Solher khauf vnd abred ist geschehen in gegenwurdt vnd beywessen der Erberen vnd Weissen Maister Veitten schuester, Poltz Veitten vnd N. Schaden, all drei Burger Zw Edennburg vnd Simon N., Wonhafft Daselbst trewlich Vnd Vngeüerlich. Zw Warem vrkhunt hat Yeder tayll in gleicher Lawt Ain ausgeschnitts SpanZedl. Actum Eritag Vor GotsLeichnamtag Im fünfftzehenhundert Vnd Sibentzehenden Jar (1517.06.09.). Item Mein herren Haben geseczt, Das bemelter Gilg Zehenntner fur Robat, Wacht vnd Torsten, wie obbemelt, raichen vnd geben soll gemayner statt Edenburg Jarlich vier gulden vngrisch Zw gleichem Wegsl, vnd das geben sol angehebt werden von Sand Jorgen tag (04.24.) schierkhünfftig Vber ain Jar. Er soll auch hie Zw Edenburg khain handl treiben, Sund er Zw seiner notturfft Im Leßen mag er haben haberen, hei vnd strei. Actum Montag post quasimodogeniti Anno etc. XVIII (1518.04.12.), tempore Michaelis Yban Magistriciuium Vnd Petri Vleischackher Judicis. 388. Am 14. tag may Anno etc. 40 (1540.) hatt ain Ersamer Ratt auff Cristoffen Schneeperger vnd Hannsen Zehentner, beder burger Zu der Neustatt bettlich anlanngen, die obgemellten 4 fl. Hungrisch gelassen an III Vi fl. Jerlich Zu raichén, on alles verrer nachlassen, auch vnangesehen verrers bitten etc. Actum die et anno vt Supra. Sub dominis magistratibus Joanne Reiß magistro ciuium, Michaele Tölldl Judice. [55 r l 1524 389. Lasla Pawr, Burger Zu Odennburg vnd Benigna, sein hawsfraw vnd Ir baider erben haben nutz vnd gwer emphanngen Zwaier Weingärten, Aines Im Khrannperg Drew Virtail vnd ain achtail in ainem Rain, Zwischen Günndl müllner vnd nächst des wegs gelegen, Des anndern Im Spören stainn Drew achtail, auch in ainem Rainn, Zwischen Andre schreiner vnd herren Vlrichen, caplan Zu Odenburg gelegen, Die sy von herren Benedicten börß vnd seinen Erben kaufweiß an sich bracht Vnd hiemit bar vnd berait beZallt haben, Ledig vnd frei. Beschehen tempore petri Lanii Magistri ciuium et martini Sighart Judicis Soproniensium, an Monntag nächst nach dem Sonntag Reminiscere in der vassten Anno etc. im Funfft Zehenhundert vnd XXIIII ten Jaren (1524.02.22.). 25 Links von letzterer Eintragung, am Rande die Bemerkung: Piers benedict
