Dominkovits Péter: Adalékok és források a soproni evangélikus városvezető és szellemi elit 17 - 18. századi társadalomtörténeti kutatásához, végrendeletek (Sopron, 2018)

Források

all meinen leibs Klaidern, auch etwas von Züngeschier vnd Leingewandt, wie ihme mein Lieber Ehewürth alß ein leiblicher Vatter schon wierd zuthuen wissen, doch solle hergegen er vnnßer Töchterl in aller Gottesforcht, Zucht vnd Tugent ohne Entgelt dieses jres müetterlichen legats zu erziehen, vnnd mit gebürender Nothwen- digkheit zuuersehen schuldig sein, vnnd wann es sich dem Willen Gottes nach wie droben in meines Lieben Ehewüerths gethonen disposition vermeld worden, zue- trueg, daß vnns der Allmechtige Gott in stehender Ehe noch eins oder mehr Khün- der so wüer dieser Zeit nit wissen khönnen vnd vnnß verborgen, erzeügen solten, so sollen dieselben zu obgesezten meinem Töchterl Anna Catharina specificierten legat ins gesambt zu ainem Muetter Guet haben, nemblichen ain gerichtes Bött, sechs Silber Löfl, jtem ainen Pöcher inwendig ganz, außwendig aber mit der Züer vergult, mehr ain Pöcherl, jn vnd außwendig mit der Züer vergult, sowol auch etwas von Leingewandt vnd Züngeschier, so ich zu des Vatters Willen stellen thue, mit welli- chem sie in allem vergnüegt vnd abgeferttiget sein, auch vnnder dieselben zugleich verthailt werden, wovern wier aber ausser vnßers verhandenen Töchterl Anna Catharina kaine Khünder in vnnßerer ehelichen Beywohnung erzeügten, sol alßdan dieselbe mit obspecificirten müetterlichen legat abgeferttiget sein, die andere vnd nachgesezten legata aber meinem Lieben Ehewüerth Georgen Zauchtler aigenthumblichen als sein Guet sein, vnd verbleiben.

Zum Fahl aber vnnd fürs Vierte offt ermelt vnßer Töchterl Anna Catharina, oder so deren mehr Khünder verstandnermaßen von vnß nach Gottes Willen erzeügt wüerden, vor ihren vogtbaren Jahren (welliches doch Gott gnedig verhieten wolle) mit Todt abginngen, so solle vor specificiertes Muetterguet alles wiederumb auf meinen Haußwierth fallen vnd gelanngen, vnnd er meinen negsten Befreunden, so sich hierzue gnuegsamb werden legitimirn können, für alle vnd jede Sprüch vnd Anforderung mehrer nicht als fünffzechen Taller Vngerisch, hinauß geben, mit wel- lichem sie dan von meiner gannzen Verlaßenschafft genzlichen abgeferttiget sein, vnd verbleiben sollen, da sie aber mit sollichem nit zufriden sein, vnd diese vnßere donation disputierlich zu machen vnderstehen wolten, so sollen sie alßdan dieses Geschäffts verlustigt vnd gemainer Statt verfallen sein, jn Betrachtung jch ohne das mein vätterliches Erbgüetl auf dieselben zimblichen spendiert vnd angewendet habe, vnnd will auch benebens meinen Lieben Haußwierth Georgen Zauchtler zu meinem rechten vniversal Erben vnd Executorn dieses meines lezten willens instituirt vnd eingesezt haben, mit diesem Anhang, das nach meinem tödtlichen Abganng mit sol- licher meiner Verlaßenschafft, einicher gerichtlich [er] Eingriff, Spörr oder Jnuentur nicht vorgenohmen werden soll, sondern alßbalden nach meinem Todt, sich alles vnd jedes als Hauß, Weingartten, vnd in summa alles Ligenden vnd Vahrunden wie es jmer Nahmen haben khan vnd mag, alß sein aigen Guett zu vnderfangen, damit thuen vnd zulaßen, wie es ihme am besten annemblich vnd wolgefellig, ohne menig- lichs Hinderung, Eintrag, vnd Widersprechen befuegt sein.

98